+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstan men Polshanyń zań shyǵarýshylary parlamentaralyq dıalogty jandandyrady

2021 jylǵy 16 maýsym 13:24
Bólisińiz:
Qazaqstan men Polshanyń zań shyǵarýshylary parlamentaralyq dıalogty jandandyrady

NUR-SULTAN. QazAqparat - 2021 jylǵy 15 maýsymda onlaın-formatta «Qazaqstan – Polsha» yntymaqtastyq jónindegi parlamenttik top músheleriniń kezdesýi ótti, dep habarlaıdy Polsha Respýblıkasyndaǵy Qazaqstan Respýblıkasynyń elshiliginiń baspasóz qyzmeti.

Uqsas jańalyqtar
QR Ádilet mınıstri AQSh-ta birqatar mańyzdy kezdesýler ótkizdi

Qazaqstan delegatsııasyn Parlament Májilisiniń Zańnama jáne sot-quqyqtyq reforma komıtetiniń hatshysy Snejanna Imasheva, Polsha delegatsııasyn – EQYU Parlamenttik Assambleıasy janyndaǵy Polsha Respýblıkasynyń Seımi jáne Senaty delegatsııasynyń tóraǵasy Barbara Bartý basqardy. Sonymen qatar, kezdesý barysynda Qazaqstan Respýblıkasy Parlamenti Májilisiniń Halyqaralyq ister, qorǵanys jáne qaýipsizdik komıtetiniń tóraıymy Aıgúl Quspan sóz sóıledi.

Taraptar Qazaqstan men Polsha Parlamentteriniń aǵymdaǵy zań shyǵarý qyzmetin talqylady, «COVID-19» koronavırýsynyń taralýyna qarsy is-qımyl jónindegi sharalar týraly aqparat almasty, sondaı-aq eki el arasyndaǵy parlamentaralyq ózara is-qımyldy nyǵaıtý jónindegi ýaǵdalastyqtarǵa qol jetkizdi.

Atap aıtqanda, qazaqstandyq depýtattar Qazaqstan Prezıdenti Qasym-Jomart Toqaev bastamasymen júrgizilgen saıası jáne áleýmettik-ekonomıkalyq reformalardy júzege asyrý boıynsha Qazaqstan Parlamenti Májilisiniń zańnamalyq qyzmeti týraly aqparat usyndy. Polsha parlamentarııleri azamattyq qoǵamnyń ókilderi, sarapshylardyń, Ulttyq qoǵamdyq senim keńesi (NSOD) músheleriniń, saıası partııalardyń qatysýymen ázirlengen reformalardyń úsh paketi sheńberinde júrgizilip jatqan zań jobalaý jumysymen tanysty.

Eki tarap halyqaralyq alańdarda, onyń ishinde Eýropalyq Parlament, Eýropa Keńesiniń Parlamenttik Assambleıasy, EQYU Parlamenttik Assambleıasy sheńberinde, Polshanyń 2022 jyly EQYU-ǵa tóraǵalyq etýin eskere otyryp, odan ári syndarly ózara is-qımyl jasaýǵa degen nıetin atap ótti.

Kezdesý qorytyndysy boıynsha Polshanyń parlamentaralyq yntymaqtastyq tobynyń múshelerine taıaý bolashaqta Qazaqstanǵa saparmen kelýge shaqyryldy. Ekijaqty baılanystardyń jandanýyna 2021 jylǵy 10 maýsymnan bastap «LOT» polıak avıakompanııasy arqyly Nur-sultan men Varshava arasyndaǵy turaqty tikeleı reısterdiń jańǵyrtylýy yqpal etetindigi qanaǵattanýshylyqpen atap ótildi.

Qazaqstan Respýblıkasynda turatyn jáne eki el arasyndaǵy «dáneker kópir» retinde tabylatyn polıak dıasporasynyń mańyzdy róli atap ótildi. Polıaktardy Qazaqstanǵa deportatsııalaýdyń bastalýynyń 85 jyldyǵy aıasynda Polsha parlamentshileri tarıhtyń qıyn kezeńinde qazaq halqynyń polıak qonys aýdarýshylaryna kórsetken kómegi úshin rızashylyqtaryn bildirdi.

Polsha delegatsııasynyń músheleri Qazaqstan Respýblıkasy Táýelsizdiginiń 30 jyldyǵyna baılanysty jyly lebizderin bildirdi.


Bizdiń kanalymyzǵa jazylyńyz:

#Eýropa   #QR SІM  
Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT