+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Qazaqstan men Polsha stýdentteri Abaıǵa arnap mádenı festıval ótkizdi

2021 jylǵy 23 sáýir 15:39
Bólisińiz:
Qazaqstan men Polsha stýdentteri Abaıǵa arnap mádenı festıval ótkizdi

ÓSKEMEN. QazAqparat – Óskemen qalasynda Abaı álemi» atty stýdentterdiń halyqaralyq mádenı festıvali ótti, dep habarlaıdy QazAqparat tilshisi.

S.Amanjolov atyndaǵy Shyǵys Qazaqstan ýnıversıteti Polshanyń Sveche qalasyndaǵy Lıngvıstıkalyq-tehnıkalyq ýnıversıteti bazasynan ashqan «Abaı» mádenı-bilim berý ortalyǵymen birlesip «Abaı álemi» atty stýdentterdiń halyqaralyq mádenı festıvalin ótkizdi. Festıvalǵa Qazaqstandaǵy Polsha Respýblıkasynyń Tótenshe jáne Ókiletti Elshisi Selım Hazbıevıch, Qazaqstandaǵy Polıaktar odaǵynyń tóraǵasy Ekaterına Ostrovskaıa qatysty.

«Abaı esimi tek Qazaqstanda ǵana emes, muqym álemge áıgili. Ózim de aqyn óleńderin oqyp, kóp oı túıdim. Polshada hakimge arnap eskertkish ornatylyp, Abaı ortalyǵy ashylǵanyna qýanyshtymyn. Ýnıversıtetterimiz yntymaqtastyqty ary qaraı jalǵastyrady», - dedi Selım Hazbıevıch.

Kezdesý barysynda ár taraptan eki el arasyndaǵy mádenı-rýhanı yntymaqtastyqty nyǵaıtýdy kózdeıtin birneshe mańyzdy usynystar aıtyldy.

«Qazaqtyń keshegisi de, búgini de, bolashaǵy da Abaımen ólsheneri haq. Abaı – bizdiń ulttyq uranymyz, betke ustar kemeńger oıshylymyz. Sondyqtan 2020 jyldy «Abaı jyly» dep atap, aqynnyń týǵanyna 175 jyl tolýyn álemdik deńgeıde atap ótken edik. Osy rette, biz Polsha ýnıversıtetterimen tyǵyz yntymaqtastyq ornatyp jatyrmyz. Onda Abaı óleńderine arnalǵan poezııa keshteri de ótkizilýde», - dedi ShQÝ rektory Muhtar Tólegen.

Shara sońynda Polsha men Qazaqstan elderiniń atynan qatysyp otyrǵan eki ýnıversıtet stýdentteri Abaı shyǵarmalaryn álemniń birneshe tilinde oryndady.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT