+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Qazaqstan men Ózbekstan JOO-larynda aýǵan qyzdaryn oqytý baǵdarlamasy iske qosyldy

2019 jylǵy 13 qarasha 08:22
Bólisińiz:
Qazaqstan men Ózbekstan JOO-larynda aýǵan qyzdaryn oqytý baǵdarlamasy iske qosyldy

BRıÝSSELЬ. QazAqparat– Seısenbi kúni Brıýsselde Eýrokomıssııa ǵımaratynda Qazaqstan men Ózbekstannyń joǵary oqý oryndarynda aýǵandyq qyzdardy oqytý baǵdarlamasyn iske qosý rásimi ótti, dep habarlaıdy «QazAqparat» HAA tilshisi.

Uqsas jańalyqtar
«Túrkistanda jerlengen handar men sultandar» kitaby tanystyryldy 2020 jyly ǵylym salasyn qarjylandyrý kólemi eki esege artady – mınıstr Shymkentte aldaǵy jyly 1045 dáriger bilimin jetildiredi

Eýropalyq Odaq shilde aıynda BUU-men birlesip, 50 aýǵandyq qyzǵa Qazaqstan men Ózbekstan ýnıversıtetterinde bilim alýǵa múmkindik beretin pılottyq jobaǵa 2 mln eýro bóldi.

Іs-sharaǵa Aýǵanstannan, Qazaqstan men Ózbekstannan kelgen dıplomattar, Eýropalyq komıssııa men BUU qyzmetkerleri, sarapshylar men jýrnalıster qatysty. Qazaqstan tarapynan Syrtqy ister mınıstriniń orynbasary Roman Vasılenko boldy.

«Búgin biregeı baǵdarlama tanystyryldy. Alǵash ret mundaı format Eýropalyq Odaqqa 2 jyl buryn usynyldy. Ony osy uıymnyń ózi qoldaǵan», - dedi qazaqstandyq dıplomat jýrnalısterge.

«Bul baǵdarlamanyń ıdeıasy 2010 jyly Qazaqstan Respýblıkasynyń Tuńǵysh Prezıdenti Nursultan Nazarbaevtyń bastamasymen qolǵa alynǵan 50 mln dollar qarajatqa bir myń aýǵandyq jasty oqýǵa daıarlaý boıynsha baǵdarlama aıaqtalǵanda dúnıege kelgen bolatyn», - dep atap ótti ol.

«Osy baǵdarlamamen bilim alǵan aýǵandyqtar 100 paıyz óz eline qaıtyp oralǵanyn jáne olar birden jumys taýyp ketkenin (75% qaıtyp oralǵannan keıin birden jumyspen qamtylǵan) kórgen eýropalyq tarap bizdiń tájirıbemizge qyzyǵýshylyq tanytyp, osy ıdeıany qoldady», - dedi R.Vasılenko.

Óz kezeginde Halyqaralyq yntymaqtastyq jáne Eýropalyq komıssııany damytý jónindegi bas dırektorattyń Ortalyq Azııa, Taıaý Shyǵys jáne Ońtústik Azııa boıynsha basqarmasynyń basshysy Rafael Iodıche Aýǵanstandy turaqtandyrý boıynsha Qazaqstannyń áleýetin joǵary baǵalady.

Osy ýaqytqa deıin bizdiń elimiz Aýǵanstanǵa 80 mln dollardan astam kómek kórsetti, onyń ishinde medıtsınalyq jáne bilim berý ortalyqtaryn salýǵa, sondaı-aq joldar men kópirlerdi qaıta jańartýǵa 3,5 mln. bóldi.

R. Iodıche atap ótkendeı, eger Eýropalyq Odaq, Qazaqstan jáne Ózbekstan arasyndaǵy úshjaqty yntymaqtastyq baǵdarlamasy óziniń tıimdiligin dáleldese, onda Ortalyq Azııa elderiniń joǵary oqý oryndarynda EO esebinen oqıtyn aýǵandyq qyzdardyń sany ulǵaıady.

Aýǵandyq stýdentter Qazaqstanda Satbayev University, QBTÝ, Qazaq ulttyq agrarlyq ýnıversıteti jáne Almaty menedjment ýnıversıtetinde aǵylshyn tilinde bilim alady.

Aıta ketý kerek, BUU Damý Baǵdarlamasynyń baıandamasyna sáıkes, barlyq eresek aýǵan áıelderiniń 11 paıyzy orta bilim alyp, sonyń ishinen tek 19,5%-y jumysqa ornalasqan, al erlerdiń 37 %-y orta bilim alǵan bolsa, onyń 87%-y jumysqa turǵan.

2016-2017 jyldary Aýǵanstan halqynyń jartysynan astamy kedeıshilikte kún keship jatqan bolatyn.

Avtor:

Tımýr Dıýsekeev

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT