+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Qazaqstan men Ózbekstan shekarasynda iri saýda ortalyǵy salynady

2020 jylǵy 10 naýryz 19:44
Bólisińiz:
Qazaqstan men Ózbekstan shekarasynda iri saýda ortalyǵy salynady

NUR-SULTAN. QazAqparat - Ózbekstanmen shekarada «Ortalyq Azııa» halyqaralyq saýda-ekonomıkalyq yntymaqtastyq ortalyǵynyń qurylysy bastalady. Bul jaıynda QR Saýda jáne ıntegratsııa mınıstri Baqyt Sultanov Facebook paraqshasynda jazdy, dep habarlaıdy QazAqparat tilshisi.

«Jaqyn arada biz ońtústik baǵytynda aýqymdy saýda jobasy – Ózbekstanmen shekarada «Ortalyq Azııa» halyqaralyq saýda-ekonomıkalyq yntymaqtastyq ortalyǵynyń (HSEYO) qurylysyn iske asyrýǵa kirisemiz. Bul týraly budan eki jyl buryn Memleket basshylary deńgeıinde ýaǵdalastyqqa kelgen bolatynbyz. Al naqty sharalardy biz áriptesimiz – Ózbekstan Respýblıkasynyń Investıtsııalar jáne syrtqy saýda mınıstri Sardor Ýmýrzakovpen talqyladyq. Naýryzdaǵy áıelder merekesine qaramastan biz onymen keleshek HSEYO orny – «Jibek Joly – Gısht Kýprık» shekara beketinde kezdestik», - dep atap ótti Baqyt Sultanov.

Onyń aıtýynsha, HSEYO – Ortalyq Azııa elderimen saýda yntymaqtastyǵymyzdyń mańyzdy elementi. Munda tek kóterme-bólshek saýda nysandary men olardyń ınfraqurylymy ǵana salynyp qoımaı, sondaı-aq mańyzdy kólik-logıstıkalyq ortalyq ta qurylady.

«Álemdegi ekonomıkalyq turaqsyzdyq, baǵanyń tómendeýi, koronavırýstyń halyqaralyq saýdaǵa qateri, týrızmniń básendeýi jaǵdaıynda kórshilermen saýdany qarqyndatý- daǵdarys qubylystaryn birge jeńýdiń eń ońtaıly tásili. Búginde Ortalyq Azııa - 71 mln adamnan astam halqy bar serpindi óńir. OA-da ishki aımaqtyq eńbek bólinisi úshin úlken múmkindikter bar, óńir elderi bir-birine tıimdi ótkizý naryǵy sanalady. Jáne bizdiń elderimizdiń qazirdiń ózinde ózara belsendi yntymaqtastyq jasaýynyń da mańyzy zor», - dedi mınıstr.

B.Sultanov dereginshe, 2019 jyldyń qorytyndysy boıynsha Qazaqstannyń Ortalyq Azııa elderimen taýar aınalymy 5,1 mlrd AQSh dollaryn qurady. Bul rette Ózbekstan óńirdegi iri saýda áriptesi sanalady. Qazaqstannyń óńirmen ózara saýdasynyń 60 paıyzdan astamy atalǵan eldiń úlesine tıesili. Ózara saýdanyń ósý qarqyny 2017 jyldan bastap jalǵasýda jáne orta eseppen 30,7 paıyzdy quraıdy. Ózara saýda ótken jyly tórt mıllıardtyq shekten asyp, bes mıllıardqa jaqyndap qaldy.


«Sondyqtan HSEYO qurý - elderimizdiń ekonomıkalyq kooperatsııasyn odan ári kúsheıtýge áser etedi jáne «Ońtústik-Soltústik, Soltústik-Ońtústik» dáliziniń mańyzdy jobalarynyń biri bolyp tabylady. Ol óńirden basqa elderge baǵyttalǵan úlken taýar qubyrynyń bir bóligi bolmaq. Ózderińiz biletindeı, qazirgi ýaqytta Qazaqstanda kóterme-taratý ortalyqtary men agro-logıstıkalyq ortalyqtar jelisin qamtıtyn taýar ótkizý júıesin qurý jumysy júrgizilýde. Osyǵan uqsas ınfraqurylym kórshi Ózbekstan men Qyrǵyzstanda da qurylýda. HSEYO jobasyn iske asyrý Qazaqstan úshin ońtústikke qaqpa ashyp qana qoımaı, osy memleketterdiń úshinshi elderge, birinshi kezekte Reseıge, Eýropa men Qytaıǵa taýarlardy birlesip eksporttaýlary úshin biryńǵaı tetik qurýǵa múmkindik beredi. Óıtkeni, HSEYO-ǵa óte jaqyn mańda 2 iri aglomeratsııa – Shymkent pen Tashkent ornalasqan. Tikeleı jaqyn jerde iri jáne damyǵan ınfraqurylymdyq toraptar – Saryaǵash temir jol stansalary, «Jibek Joly» halyqaralyq ótkizý beketi, Batys Eýropa – Batys Qytaı avtojoly da bar», - dep atap ótedi Baqyt Sultanov.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT