+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Qazaqstan men Ózbekstan arasyndaǵy taýar aınalymy bir jylda 2,7 mlrd dollardan asty

2020 jylǵy 16 naýryz 12:02
Bólisińiz:
Qazaqstan men Ózbekstan arasyndaǵy taýar aınalymy bir jylda 2,7 mlrd dollardan asty

NUR-SULTAN. QazAqparat – 2019 jyldyń qańtar-jeltoqsan aılarynda Qazaqstan men Ózbekstan arasyndaǵy taýar aınalymy 2,75 mlrd AQSh dollaryn qurap, 2018 jylmen salystyrǵanda 10,6 paıyzdyq ósimdi kórsetip otyr, dep habarlaıdy QazAqparat tilshisi Finprom.kz aqparat kózine silteme jasap.

Taýar aınalymynyń negizgi úlesin (72 paıyzy) eksport quraıdy: 12 aıdyń ishinde Qazaqstan Ózbekstanǵa 2 mlrd AQSh dollaryn quraıtyn taýarlar men qyzmetterdi usynǵan. Alaıda jyldyq quldyraý bul baǵytta 8,7 paıyzdy qurap otyr. Óz kezeginde Ózbekstan ımportyn 771,2 mln AQSh dollaryna jetkizip, aldyńǵy jyldaǵy kórsetkishti 20,6 paıyzǵa ósire bilgen.

2019 jyldyń úshinshi toqsanynyń sońynda Qazaqstannyń Ózbekstan ınvestorlarynyń aldyndaǵy syrtqy mindettemeleri 210,35 mln AQSh dollaryna jetip, 2018 jyldyń kórsetkishimen salystyrǵanda 14 paıyzǵa ósken. 2018 jyldyń úshinshi toqsanynyń sońynda mindettemeler somasy 184,6 mln AQSh dollaryna teńesken edi.

2020 jyldyń 1 naýryzy boıynsha Qazaqstanda ózbekstandyq ókilderdiń qatysýymen 1,154 myń zańger tulǵa, fılıal men ókildik jumys istep tur. Kóbinese barlyq kompanııa shaǵyn kásiporyndarǵa (bir iri bıznesti eseptemegende) negizdelgen.

Qazirgi jumys istep turǵan kásiporyndardyń kóbi (74,4 paıyz) Qazaqstannyń úsh oblysynda jumys atqarýda. Olardyń 517,i Aqmola oblysynda, 189-y Aqtóbe oblysynda, 152-i Almaty oblysynda. Ózbek azamattarynyń kompanııalarynyń 61 paıyzy saýda, avtojóndeý, qurylys, sonymen qatar kásibı, ǵylymı jáne tehnıkalyq salada eńbek etedi.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT