+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

Qazaqstan men Mońǵolııanyń iskerlik keńesi qurylýy múmkin

2020 jylǵy 26 qarasha 21:43
Bólisińiz:
Qazaqstan men Mońǵolııanyń iskerlik keńesi qurylýy múmkin

NUR-SULTAN. QazAqparat – QR Saýda jáne ıntegratsııa mınıstri Baqyt Sultanov pen Mońǵolııanyń Eńbek jáne áleýmettik qorǵaý mınıstri A. Arynzaıaanyń teń tóraǵalyǵymen Qazaqstan-Mońǵol úkimetaralyq komıssııasynyń 8-shi otyrysy ótti, dep habarlaıdy QazAqparat tilshisi.

Otyrysta eki eldiń arasyndaǵy saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi máseleleri talqylandy. Onlaın rejımdegi úkimetaralyq komıssııanyń jumysynda Qazaqstan men Mońǵolııanyń Tótenshe jáne Ókiletti elshileri, sondaı-aq eki eldiń múddeli memlekettik organdary men uıymdarynyń ókilderi qatysty. Mınıstr Baqyt Sultanov óziniń alǵy sózinde túrli salalardaǵy eki jaqty yntymaqtastyqty nyǵaıtýǵa degen umtylysyn rastady. Qazaqstan men Mońǵolııa arasyndaǵy yntymaqtastyqty keńeıtýdiń mańyzdy tetigi retindegi úkimetaralyq komıssııanyń rólin atap ótti.

Otyrys aıasynda taraptar Qazaqstan men Mońǵolııa arasyndaǵy eki jaqty yntymaqtastyqtyń keń aýqymyn talqylady.

Taraptar Úkimetaralyq komıssııanyń otyrysy QR Premer-Mınıstri Asqar Mamınniń Mońǵolııaǵa aldaǵy saparyna daıyndyq kezeńderiniń biri bolyp tabylatynyn atap ótti. Saýda jáne ınvestıtsııalyq yntymaqtastyqty damytý jáne keńeıtý, sondaı-aq kooperatsııalyq jobalardy qurý maqsatynda Qazaqstan men Mońǵolııa arasyndaǵy 2021-2024 jyldarǵa arnalǵan saýda-ekonomıkalyq yntymaqtastyqty jandandyrý jónindegi Jol kartasyna qol qoıý múddeliligi de atalyp ótti.

«Biz sonymen birge iskerlik baılanystardy qoldaý jáne ornatý, bıznes úshin qoljetimdi múmkindikter, jobalar men birlesken kásiporyndardy júzege asyrý múmkindikteri týraly aqparat almasý úshin jaqsy alań retinde qyzmet etetin Qazaqstan - Mońǵol iskerlik keńesin qurýdy josparlap otyrmyz», - dedi mınıstr Baqyt Sultanov.

2019 jyly Qazaqstan men Mońǵolııa arasyndaǵy taýar aınalymy 21,1%-ǵa tómendep, 76 mln AQSh dollaryn quraǵan. 2020 jyldyń 9 aıynda ózara saýda 24,8 mln AQSh dollaryn kórsetken. Qazaqstannan Mońǵolııaǵa eksport 23,5 mln AQSh dollary, ımport 1,3 mln AQSh dollaryna jetken.

Otyrys qorytyndysy boıynsha onlaın formatta hattamaǵa qol qoıyldy.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT