+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Qazaqstan men Qytaı qarym-qatynasynyń jańa múmkindikterine jol ashyldy – QHR elshisi

2019 jylǵy 23 qazan 13:19
Bólisińiz:
Qazaqstan men Qytaı qarym-qatynasynyń jańa múmkindikterine jol ashyldy – QHR elshisi

NUR-SULTAN. QazAqparat – Qytaı Halyq Respýblıkasynyń Qazaqstandaǵy Tótenshe jáne ókiletti elshisi Chjan Sıao Qazaqstan men Qytaı qarym-qatynasy jóninde pikir bildirdi, dep habarlaıdy QazAqparat tilshisi.

Uqsas jańalyqtar
Qytaı Qazaqstanǵa strategııalyq áriptes retinde qaraıdy - Berik Ýálı Nurlan Nyǵmatýlın: Qazaqstan-Qytaı yntymaqtastyǵy strategııalyq seriktestik deńgeıine jetti QHR SІM-de QR Prezıdentiniń Qytaıǵa saparyna qatysty daıyndyq máselesi talqylandy

«2019 jyly Qytaı Halyq Respýblıkasynyń qurylǵanyna 70 jyl toldy. 70 jyl – tarıhı ólshemniń bir bóligi ǵana, biraq bul aralyqta qytaılar maqtan etýge turarlyq jetistikterge jetti. 70 jyl buryn Qytaı tehnologııalyq turǵyda artta qalǵan, óndirisi damymaǵan memleket boldy. Al qazir damyǵan ekonomıkasy bar, avtokólikten áskerı tehnıkaǵa deıin shyǵaratyn úlken qýatty elge aınaldy», - dedi Chjan Sıao QR Memlekettik basqarý akademııasynda «Qazaqstannyń shyǵys kórshisi. Qytaıdyń qarqyndy damýy kýágerler kózimen» konferentsııasynda.

Elshi Qazaqstan men Qytaı arasyndaǵy ekijaqty qarym-qatynast y damytý máselesiniń ózektiligin atap ótti.

«Bıyl Qazaqstan men Qytaı qarym-qatynasy erekshe qarqynda damydy. Sáýir aıynda «Halyqaralyq yntymaqtastyq. Bir beldeý – bir jol» forýmynda QHR tóraǵasy Sı Tszınpın Tuńǵysh Prezıdent – Elbasy Nursultan Nazarbaevty Dostyq ordenimen marapattady. Jaqynda ǵana Qazaqstan Prezıdenti Qasym-Jomart Toqaev Qytaıǵa alǵashqy memlekettik saparyn tabysty ótkizdi. Eki el basshylary qarym-qatynasymyzdy jan-jaqty strategııalyq seriktestik deńgeıine shyǵarýdy uıǵardy. Bul jańa mártebe ózara árekettestiktiń jańa múmkindikterine jol ashady. Endi 55 ındýstrıaldy, ınvestıtsııalyq jobany júzege asyrýdan bólek, úlken derekter, jasandy ıntellekt, telekommýnıkatsııa, blokcheın, tsıfrlandyrý syndy salalarda joǵary tehnologııalyq yntymaqtastyqty damyta túsemiz», - dedi elshi.

Sonymen birge, dıplomat Qytaıdyń eki el arasyndaǵy máńgilik dostyq qarym-qatynasty qalaıtynyn jetkizdi.

«Búgingi sózimde bir máseleni naqty aıtqym keledi – qytaılarda otarlaýshylyq pıǵyl joq jáne bolmaǵan da. Buǵan kóz jetkizý úshin ótkenge kóz júgirtýge bolady. 15 ǵasyrda óziniń teńiz floty bar, eń qýatty memleket bolǵan Qytaı 7 aýqymdy júzý uıymdastyryp, Ońtústik Úndistanǵa, Parsy shyǵanaǵyna deıin jetken. Bizdiń babalarymyz shaı, farfor, jibek aparyp, taýar almasyp, sý betindegi Jibek jolyn qurdy. Barlyq jeti sapar da esh shıelenissiz, soǵyssyz, jergilikti halyqty óltirmeı, beıbit túrde júrgizilgen. Bul saparlar Qytaıǵa saıası, saýda jáne ekonomıkalyq baılanys ornatýǵa múmkindik berdi. Odan Qytaıdyń jer aýmaǵy keńeıip ketken joq, otarlyq rejım ornaǵan joq», - dep óz sózin túıindedi Chjan Sıao.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT