+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Qazaqstan men Koreıa eńbek mıgranttaryna qatysty máseleni talqylap jatyr – Elshi

2021 jylǵy 15 qyrkúıek 19:21
Bólisińiz:
Qazaqstan men Koreıa eńbek mıgranttaryna qatysty máseleni talqylap jatyr – Elshi

NUR-SULTAN. QazAqparat – Qazaqstan men Ońtústik Koreıa zańsyz eńbek mıgratsııasy máselesin talqylap jatyr. Bul týraly Koreıanyń Qazaqstandaǵy Tótenshe jáne ókiletti elshisi Ký Hong-sok elordada BAQ ókilderimen kezdesýinde aıtty, dep habarlaıdy QazAqparat.

«Qazir eki el arasynda zańsyz jumys mıgranttar máselesin sheshý qyzý talqylanyp jatyr. Sonymen qatar Qazaqstan azamattarynyń Ońtústik Koreıaǵa baryp, zańdy jumys isteý máselesi de qaralýda. Bul másele óte mańyzdy jáne biz óz tarapymyzdan buǵan bar kúshimizdi salatyn bolamyz», - dedi Ký Hong-sok.

Elshi óz sózinde Koreıa úshin zańsyz jumys mıgranttary asa kúrdeli áleýmettik másele ekendigin jetkizdi.

«Zańsyz mıgranttar máselesi Qazaqstanǵa ǵana qatysty emes. Sebebi Koreıada zańsyz jumys isteıtin basqa eldiń azamattary da óte kóp», - dep tolyqtyrdy Elshi óz sózin.

Eske salsaq, buǵan deıin QR Premer-Mınıstriniń orynbasary – Syrtqy ister mınıstri Muhtar Tileýberdi Ońtústik Koreıaǵa Qazaqstannan barǵan zańsyz eńbek mıgranttaryna qatysty depýtattyq saýalǵa jaýap berdi.

Onda ol Koreıa Respýblıkasynyń sheteldik eńbek kúshterin maýsymdyq jumysqa tartý baǵdarlamasyna (The Seasonal Worker) sáıkes, QR Eńbek jáne halyqty áleýmettik qorǵaý mınıstrligi (EHÁQM) ázirlegen koreı tarapynyń Qazaqstan azamattaryn Ońtústik Koreıanyń aýyl jáne balyq sharýashylyǵy salasyna maýsymdyq jumystarǵa tartý jónindegi usynysy osy eldiń tıisti mekemeleri men jergilikti provıntsııalarynyń ákimshilikterine qarastyrýǵa joldanǵanyn aıtqan edi.

SІM málimetinshe, 2020 jylǵy 31 jeltoqsandaǵy jaǵdaı boıynsha Ońtústik Koreıa aýmaǵynda zańsyz eńbek mıgranttary retinde júrgen qazaqstandyqtardyń sany - 8902 adam (2019 jyly – 10 707 adam, 2018 jyly – 11 413 adam).




Bizdiń kanalymyzǵa jazylyńyz:

Bólisińiz:

Avtor:

Saıagúl Jarylqasyn

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT