+7 (701) 759 90 19
USD 376.84 EUR 407.97
RUB 5.91 CNY 53.80
Jańalyqtar

Qazaqstan men Eýroodaq jergilikti ózin-ózi basqarý men azamattardyń sheshim qabyldaý protsesine qatysýyn talqylady

2020 jylǵy 23 qańtar 17:34
Bólisińiz:
Qazaqstan men Eýroodaq jergilikti ózin-ózi basqarý men azamattardyń sheshim qabyldaý protsesine qatysýyn talqylady

NUR-SULTAN. QazAqparat – Qazaqstan men EO aýyldy aımaqtarda jergilikti ózin-ózi basqarý men sheshim qabyldaýǵa azamattardyń qatysý jobasyn talqylady, dep habarlaıdy QazAqparat QR-daǵy Eýroodaq Ókildiginiń baspasóz qyzmetine silteme jasap.

Jergilikti ózin-ózi basqarýdy damytý kontseptsııasyn júzege asyrý aıasynda 2017 jyldan bastap QR-daǵy EO-nyń qarjylyq qoldaýymen aýyldy aımaqtarda jergilikti ózin-ózi basqarýdyń jańa tásilderin engizý jáne azamattardy sheshim qabyldaýǵa qatystyrýǵa baǵyttalǵan jobalar júzege asyrylýda: jergilikti dárejede Shyǵys jáne Ortalyq Qazaqstan kóbirek qyzyǵýshylyq tanytyp jatyr. Jobalar Qaraǵandy, Shyǵys Qazaqstan jáne Mańǵystaý oblystarynda maquldandy.

Nátıjesinde, úsh jyl ishinde 23 pılottyq aýyldardyń ınklıýzıvti jospary daıyndalyp, engizildi, aýyl máselesine qatysty 80-ge jýyq pikirtalas uıymdastyryldy, 33 aýyldyq kásipkerge jalpy sommasy 32 mln teńge qarjylyq qoldaý kórsetildi.

Jobalardy Eýropalyq Odaq qarjylandyryp, «ARGO» azamattyq qoǵamdy damytý assotsıatsııasy», Mańǵystaý oblystyq azamattar alıansy, Jergilikti ózin-ózi basqarý qory, «Ekotsentr» Qaraǵandy oblystyq ekologııalyq ortalyǵy men Jergilikti ózin-ózi basqarýdy damytý ortalyǵy júzege asyrdy.

Jasalǵan jumystyń mańyzdy ekenin QR Ultyq ekonomıka vıtse-mınıstri Ermek Alpysov atap ótti.

«Aımaqtardy damytý ómir sapasyn jaqsartýǵa baǵyttalýy qajet. Biz osy turǵyda úlken jumys atqaryp jatyrmyz. «Nurly jol» jáne «Nurly jer» baǵdarlamalary aıasynda aýyldardy damytýǵa qarajat bólinedi. Damytýdyń jańa formatyndaǵy jumystar júrip jatyr, ár aımaq turǵyndarynyń ózekti máseleleri nazarǵa alynady. Sonymen qatar, QR damýynyń negizgi baǵyttarynyń biri – ózin-ózi basqarýdy damytý bolyp tur», - dedi E.Alpysov.

Eýroodaq Ókildigi seriktestik bóliminiń basshysy Iohannes Stenbaek Medsen EO pen Qazaqstan seriktestiginiń bolashaǵy jarqyn bolatynyn atap ótti.

Kezdesýge qatysqandar jergilikti ózin-ózi basqarý, sheshim qabyldaýǵa turǵyndardy qatystyrý, bıýdjetti josparlaý, aýyl ákimderiniń quzyrettiligin damytýdy talqylady.

Avtor: Medet Ahmetov


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT