Qazaqstan men Armenııa koronavırýs vaktsınatsııasynyń pasportyn ózara tanydy
2021 jylǵy 19 qarasha 16:00

Qazaqstan men Armenııa koronavırýs vaktsınatsııasynyń pasportyn ózara tanydy

EREVAN. QazAqparat - Búgin QR Densaýlyq saqtaý mınıstri Alekseı Tsoı armıan áriptesi Anaıt Avanesıanmen kezdesti, dep habarlaıdy QazAqparat.

QR Densaýlyq saqtaý mınıstrliginen málim etkendeı, kezdesý barysynda mınıstrlikterdiń basshylary ekijaqty yntymaqtastyqtyń basymdyqtaryn belgilep, vaktsınatsııa pasporttaryn ózara taný týraly jarııalady.
Armenııa vaktsınatsııa pasporty Qazaqstanda tanylǵan 17-shi memleket boldy.

«QR aýmaǵynda kelesi elderde berilgen azamattardyń KVI-ǵa qarsy vaktsınatsııa pasporttary/sertıfıkattary/anyqtamalary jaramdy dep tanylsyn: Argentına Respýblıkasy, Vengrııa, Grýzııa, Iran Islam Respýblıkasy, Iordanııa, Qyrǵyz Respýblıkasy, Maldıv Respýblıkasy, Mońǵolııa, Armenııa Respýblıkasy, Belarýs Respýblıkasy, Moldova Respýblıkasy, Perý Respýblıkasy, San-Marıno respýblıkasy, Serbııa, Týnıs Respýblıkasy, Úndistan Respýblıkasy, Fılıppın Respýblıkasy, Taıland, Túrkııa Respýblıkasy, Estonııa Respýblıkasy», - delingen edi eldiń bas sanıtarlyq dárigeriniń 15 qarashadaǵy qaýlysynda.

Budan basqa, sapar sheńberinde Eýrazııalyq ekonomıkalyq odaqqa múshe memleketterdiń óndirisi Eýrazııalyq ekonomıkalyq odaqta 2024 jylǵa deıin qamtamasyz etilýi tıis strategııalyq mańyzdy dárilik preparattarmen jáne medıtsınalyq qoldanýǵa arnalǵan farmatsevtıkalyq sýbstantsııalarmen qamtamasyz etilý deńgeıin arttyrý jónindegi is – sharalar jospary talqylandy.

Sondaı-aq, Qazaqstan densaýlyq saqtaý mınıstri áriptesterimen birge Erebýnı medıtsınalyq ortalyǵyna bardy, ol eldiń eń iri medıtsınalyq mekemesi bolyp tabylady, onda halyqqa álemdik standarttarǵa sáıkes kópbeıindi, joǵary bilikti medıtsınalyq kómek kórsetiledi.


Uqsas jańalyqtar

Jańalyqtar

Úrdis

MURAǴAT