Qazaqstan Qytaı men Ortalyq Azııa elderin balama energetıkany damytý boıynsha tehnologııalar almasýǵa shaqyrdy
2022 jylǵy 25 qańtar 16:14

Qazaqstan Qytaı men Ortalyq Azııa elderin balama energetıkany damytý boıynsha tehnologııalar almasýǵa shaqyrdy

NUR-SULTAN. QazAqparat –QR Prezıdenti Qasym-Jomart Toqaev Qytaı men Ortalyq Azııa elderin balama energetıkany damytý boıynsha tehnologııalar almasýǵa shaqyrdy, dep habarlaıdy QazAqparat.

«Ekonomıkalyq belsendiliktiń pandemııadan keıingi qalpyna kelýi ornyqty damýdyń jańa modelderin engizýdi talap etedi. Qazaqstan ekonomıkany karbonsyzdandyrýdyń jolyna túsip úlgerdi jáne 2060 jylǵa qaraı kómirsýtek beıtaraptyǵyna qol jetkizýge nıetti», - degen Prezıdent bul baǵytta qysqa merzimdi josparlar da bar ekenin aıtty.

«Sonyń ishinde 2030 jylǵa qaraı balamaly kózderdiń eldiń energııa teńgerimindegi úlesin 15 paıyzǵa deıin jetkizemiz. Bul iste de ózara tyǵyz áreketti jolǵa qoıyp, sala boıynsha jetekshi tehnologııalar almasýdy usynamyz. Qazaqstan úshin Qytaıdyń tájirıbesi mańyzy asa zor mánge ıe» - dedi Memleket basshysy «Ortalyq Azııa – QHR» sammıtinde.

Aıta keteıik, Memleket basshysy Qasym-Jomart Toqaev «Ortalyq Azııa – QHR» sammıtine qatysýda.

Sammıtke QHR Tóraǵasy Sı Tszınpın, Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japparov, Túrikmenstan Prezıdenti Gýrbangýly Berdimuhamedov, Tájikstan Prezıdenti Emomalı Rahmon beınekonferentsııa rejıminde qatysyp otyr.


Jańalyqtar

MURAǴAT