+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Qazaqstan kórsetkishter ósimi boıynsha úzdik on eldiń qataryna endi – Brand Finance

2019 jylǵy 6 qarasha 17:24
Bólisińiz:
Qazaqstan kórsetkishter ósimi boıynsha úzdik on eldiń qataryna endi – Brand Finance

NUR-SULTAN. QazAqparat – Brand Finance kompanııasy bıylǵy 100 ulttyq brend reıtıngin jarııalady, dep habarlaıdy QazAqparat tilshisi ranking.kz aqparat kózine silteme jasap.

Uqsas jańalyqtar
Shymkentte kásipkerlerdiń máseleleri basty nazarda Qazaqstandyq ónimder álemniń 120 eline eksporttalady - mınıstr Qaraǵandy oblysynda aldaǵy úsh jylǵy bıýdjet bekitildi

Kompanııanyń málimetinshe, kez kelgen eldiń brendi memlekettiń abyroı-bedeline, keleshegin boljaı bilýine, eldiń baılyǵyna, básekege qabiletine aıtarlyqtaı yqpal etedi. Bıylǵy zertteý jumysy damýshy elderdiń ulttyq brendteri damyǵan elderge qaraǵanda qarqyndy túrde órkendep kele jatqanyn kórsetken. Máselen, damýshy elderde brend qunynyń ortasha ósimi 13,9 paıyzdy kórsetse, damyǵan elderde 0,4 paıyzdyq ósimge jetken.

«Reıtıng 100 eldi saraptaıdy. Álemdegi eń qymbat brendter kóshin - AQSh, Qytaı jáne Germanııa saqtap qaldy. AQSh-tyń brend quny 27,8 trln AQSh dollaryn qurasa, Qytaı - 19,5 trln AQSh dollary, Germanııa - 4,9 trln AQSh dollaryna jetken. Eń qymbat brendi bar alǵashqy elderdiń bestigin Japonııa (4,5 trln AQSh dollary) jáne Ulybrıtanııa (3,9 trln AQSh dollary) túıindeıdi. Sonymen qatar alǵashqy ondyqqa Frantsııa, Úndistan, Kanada, Ońtústik Koreıa jáne Italııa kirdi. Qazaqstan 7 satyǵa kóterilip, Jańa Zelandııa (45 oryn) men Iran (43 oryn) arasynda 44-shi orynǵa (2018 jyly - 51 oryn) ıe boldy. Aıta ketý kerek, Qazaqstannyń brend quny keıbir Eýropa elderinen (mysaly, Portýgalııa, Rýmynııa, Majarstan, Slovakııa jáne basqalary) góri joǵary» delingen habarlamada.

Eýrazııalyq ekonomıkalyq odaq elderi arasynda reıtıngke 14-shi orynmen Reseı (2018 jyly 18-shi oryn) kiredi.

«Ulttyq brendterdiń reıtıngin túzý kezinde ekonomıkalyq, demografııalyq jáne saıası faktorlar, onyń ishinde ınvestıtsııalyq kórsetkishter, týrıstik tartymdylyq, zertteletin elderdiń ekonomıkalyq ósý dınamıkasy, ulttyq taýarlar men qyzmetterdiń óndirisi, tutynylýy men eksporty, adam kapıtaly jáne basqa da tórt segmentke biriktirilgen parametrler eskeriledi», - dep habarlaıdy aqparat kózi.

Aıta keterligi, bıylǵy reıtıngte Qazaqstan ulttyq brend qunynyń ósimi boıynsha úzdik on eldiń qatarynan kórinip otyr. Bizdiń eldiń brend quny 41,9 paıyzǵa ósip, ósimi joǵary ondyq ishinde segizinshi orynǵa taban tiregen. Brend qunynyń ósimi jaǵynan Gana bir jylda 67,1 paıyzdyq ósimge jetse, odan keıingi oryndardan Ýganda (+55,7 paıyz), Paragvaı (+55,4 paıyz), Bangladesh (+53,8 paıyz) jáne Mysyr (+50,1 paıyz) kóringen.

Bizdiń kanalymyzǵa jazylyńyz:

Basty sózder: Ekonomıka, Statıstıka,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT