+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Qazaqstan koronavırýsqa qarsy vaktsına satyp alý úshin qashan qarajat bóledi

2020 jylǵy 28 qazan 14:56
Bólisińiz:
Qazaqstan koronavırýsqa qarsy vaktsına satyp alý úshin qashan qarajat bóledi

NUR-SULTAN. QazAqparat - Koronavırýsqa qarsy vaktsına satyp alý úshin qarjy qarajatyn bólý máselesi boljamdy óndirýshi anyqtalǵannan keıin pysyqtalady. Bul jaıynda QR Premer-Mınıstri Asqar Mamınniń Májilis depýtattarynyń saýalyna bergen jaýabynda aıtylǵan, dep habarlaıdy QazAqparat tilshisi.

«Koronavırýs ınfektsııasyna qarsy vaktsına ázirleý jáne klınıkalyq synaqtan ótkizý boıynsha álemdik málimetterdi zerdeleý, atalǵan ınfektsııaǵa qarsy vaktsınatsııalaýǵa jatatyn topty aıqyndaý jumysy júrgizilip jatyr. Búkil álem zertteýshileri koronavırýsqa qarsy 190-nan astam vaktsına ázirleý ústinde. Memleket basshysynyń tapsyrmasymen úkimettik delegatsııa Reseı Federatsııasyna baryp, vaktsına jetkizý máselesin talqylady. Qazaqstan jahandyq vaktsına jáne ımmýnızatsııa jónindegi alıans (GAVI) qurǵan «COVAX Facility» baǵdarlamasyna qyzyǵýshylyq tanytyp, usynys jiberdi» - dep atap ótedi Úkimet basshysy.

Premer-Mınıstrdiń aıtýynsha, Dúnıejúzilik densaýlyq saqtaý uıymy qazaqstandyq vaktsınany resmı túrde klınıkalyq synaqtan ótkizýge ruqsat berdi. Qazirgi ýaqytta otandyq vaktsınany klınıkalyq synaqtan ótkizýdiń ІІ fazasy bastaldy.

»KVI-ge qarsy vaktsına satyp alý úshin qarjy qarajatyn bólý máselesi boljamdy óndirýshi, ımmýndaý eseligi (óndirýshilerde bir rettik, eki rettik nemese úsh rettik ımmýndaý syzbasy bar) eskerile otyryp vaktsına kólemi, vaktsına dozasynyń quny aıqyndalǵannan keıin pysyqtalady«, - dedi Asqar Mamın.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT