Qazaqstan kópjaqty yntymaqtastyqty damytý qaǵıdattaryna adal – BUU Jeneva bólimshesiniń basshysy
2022 jylǵy 1 shilde 14:41

Qazaqstan kópjaqty yntymaqtastyqty damytý qaǵıdattaryna adal – BUU Jeneva bólimshesiniń basshysy

NUR-SULTAN. QazAqparat – Birikken Ulttar Uıymy Jeneva bólimshesiniń bas dırektory Tatıana Valovaıa Qazaqstan dıplomatııasynyń Qazaqstan dıplomatııasynyń 30 jyldyq mereıtoıymen quttyqtady, dep habarlaıdy QazAqparat tilshisi.

«Qazaqstan Respýblıkasynyń barlyq dıplomatııalyq korpýsyn osy aıtýly mereıtoımen shyn júrekten quttyqtaımyn. Táýelsizdik jyldarynda Qazaqstan beıbitshil, turaqty jáne dáıekti damyp kele jatqan memleket retindegi bedelin nyǵaıtty, sondaı-aq halyqaralyq jáne óńirlik yntymaqtastyqqa berik ustanymyn rastady. Qazaqstannyń qarýsyzdaný jáne ıadrolyq qarýdy taratpaý jónindegi jahandyq kún tártibine qosqan úlesin erekshe atap ótkim keledi», - dedi ol «Halyqaralyq qatynastardyń qazirgi zamanǵy júıesindegi Qazaqstan Respýblıkasy» atty halyqaralyq konferentsııa barysynda.

Sonymen qatar bólimshe bas dırektory Qazaqstan ıAdrolyq synaqtarǵa jappaı tyıym salý týraly shartty daıyndaýda mańyzdy ról atqarǵanyn, 29 tamyzdy Halyqaralyq ıadrolyq synaqtarǵa qarsy is-qımyl kúni dep jarııalaý týraly bastama kótergenin atap ótti.

«Kóptegen jyl buryn dál osy kúni Semeı ıadrolyq polıgony resmı túrde jabylǵan bolatyn. Qazaqstan azamattary ıadrolyq synaqtardyń densaýlyq pen qorshaǵan ortaǵa tıgizetin zııanyn jaqsy biledi. Álemdegi barlyq ıadrolyq qarý synaqtarynyń tórtten biri Semeı polıgonynda júrgizildi. Bir mıllıonnan astam qazaqstandyq zardap shegýshi dep tanyldy. Birneshe jyl ótkennen keıin Qazaqstan Ortalyq Azııada ıadrolyq synaqtan azat aımaq qurý týraly mańyzdy bastama kóterdi. Ortalyq Azııadaǵy ıadrolyq qarýsyz aımaq týraly kelisimge 2006 jyldyń 8 qyrkúıeginde burynǵy Semeı polıgony aýmaǵynda qol qoıylǵanynyń nyshandyq máni bar. Qazaqstan táýelsizdigin jarııalaǵan sátinen beri kópjaqty yntymaqtastyqty damytý qaǵıdattaryna adal bolyp keledi», - dedi Tatıana Valovaıa.





Foto: eurasiancommission.org


Uqsas jańalyqtar

Jańalyqtar

Úrdis

MURAǴAT