«Qazaqstan Konstıtýtsııasyna 25 jyl» merekelik medali taǵaıyndaldy

NUR-SULTAN. QazAqparat - Qazaqstan Respýblıkasy Konstıtýtsııasynyń 25 jyldyǵy qurmetine arnalǵan merekelik medal taǵaıyndaldy, dep habarlady búgin Aqordanyń baspasóz qyzmeti.

Uqsas jańalyqtar

Premer-Mınıstr on kún ishinde Prezıdentke Úkimet quramyn usynady

Konstıtýtsııanyń ústemdigin qamtamasyz etýge, Qazaqstan Respýblıkasynyń konstıtýtsııalyq negizderiniń qalyptasýy men damýyna, adamnyń jáne azamattyń konstıtýtsııalyq quqyqtary men bostandyqtaryn qorǵaýǵa eleýli úles qosqan Qazaqstan Respýblıkasynyń azamattary men shetel azamattaryn kótermeleý maqsatynda, sondaı-aq Qazaqstan Respýblıkasy Konstıtýtsııasynyń 25 jyldyǵy qurmetine QAÝLY ETEMІN:

1. «Qazaqstan Konstıtýtsııasyna 25 jyl» merekelik medali taǵaıyndalsyn.

2. Qosa berilip otyrǵan:

1) «Qazaqstan Konstıtýtsııasyna 25 jyl» merekelik medalimen nagradtaý qaǵıdalary;

2) «Qazaqstan Konstıtýtsııasyna 25 jyl» merekelik medaliniń sıpattamasy bekitilsin.

3. Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń

Prezıdenti Q.Toqaev

Hup-Sultan, Aqorda, 2020 jylǵy 8 aqpan

№ 261

Qazaqstan Respýblıkasy Prezıdentiniń

2020 jylǵy 8 aqpandaǵy

№ 261 Jarlyǵymen

BEKІTІLGEN

«Qazaqstan Konstıtýtsııasyna 25 jyl»

merekelik medalimen nagradtaý

QAǴIDALARY

1. Osy Qaǵıdalar «Qazaqstan Konstıtýtsııasyna 25 jyl» merekelik medalimen (budan ári - merekelik medal) nagradtaý tártibin reglamentteıdi.

2. Merekelik medalmen Qazaqstan Respýblıkasy Konstıtýtsııasynyń ústemdigin qamtamasyz etýge, el táýelsizdigin, qazaqstandyq qoǵamdaǵy kelisim men turaqtylyqty nyǵaıtýǵa, adamnyń jáne azamattyń konstıtýtsııalyq quqyqtary men bostandyqtaryn qorǵaýǵa, konstıtýtsıonalızmniń ıdeıalary men qaǵıdattaryn qalyptastyrýǵa jáne damytýǵa eleýli úles qosqan Qazaqstan Respýblıkasynyń azamattary jáne shetel azamattary nagradtalady.

3. Merekelik medalmen nagradtaýǵa usynystardy Qazaqstan Respýblıkasynyń Prezıdentine Qazaqstan Respýblıkasy Parlamenti Palatalary, Úkimeti, Konstıtýtsııalyq Keńesi, Joǵarǵy Soty, mınıstrlikteri, ózge de ortalyq memlekettik organdary, Nur-Sultan, Almaty jáne Shymkent qalalarynyń, oblystardyń ákimderi, sondaı-aq qoǵamdyq birlestikter engizedi.

4. Merekelik medaldy Qazaqstan Respýblıkasynyń Prezıdenti tapsyrady.

Merekelik medaldy Qazaqstan Respýblıkasy Prezıdentiniń atynan jáne onyń tapsyrmasy boıynsha:

1) Qazaqstan Respýblıkasynyń Memlekettik hatshysy;

2) Nur-Sultan, Almaty jáne Shymkent qalalarynyń, oblystardyń ákimderi, sondaı-aq Memleket basshysy ýákilettik bergen ózge de laýazymdy adamdar tapsyra alady.

5. Merekelik medaldy tapsyrý saltanatty jaǵdaıda júrgiziledi jáne nagradtalýshynyń jeke ózine tapsyrylady. Tapsyrý aldynda Qazaqstan Respýblıkasy Prezıdentiniń nagradtaý týraly Jarlyǵy jarııa etiledi.

6. Nagradtalýshyǵa merekelik medalmen birge belgilengen úlgidegi kýálik tabys etiledi.

7. Merekelik medal keýdeniń sol jaǵyna taǵylady, Qazaqstan Respýblıkasynyń memlekettik nagradalary bolǵan jaǵdaıda olardan keıin ornalasady.

8. Merekelik medaldyń tapsyrylǵany týraly belgilengen nysandaǵy hattama toltyrylady, ol medal tapsyrǵan adamnyń qol qoıýymen jáne tapsyrý júrgizgen organnyń mórimen bekitilip, Qazaqstan Respýblıkasy Prezıdentiniń Ákimshiligine jiberiledi.

9. Júrgizilgen nagradtaýlardyń esebin, sondaı-aq merekelik medaldardyń tapsyrylý barysy týraly eseptilikti Qazaqstan Respýblıkasy Prezıdentiniń Ákimshiligi júrgizedi.

_______________

Qazaqstan Respýblıkasy Prezıdentiniń

2020 jylǵy 8 aqpandaǵy

№ 261 Jarlyǵymen

BEKІTІLGEN

«Qazaqstan Konstıtýtsııasyna 25 jyl» merekelik medaliniń sıpattamasy

«Qazaqstan Konstıtýtsııasyna 25 jyl» merekelik medali (budan ári – merekelik medal) belgiden jáne taǵannan turady.

Merekelik medaldyń belgisi altyn tústes jezden jasalady, dıametri 34 mm durys sheńber bolady.

Merekelik medaldyń betki jaǵynda (averste) birinshi kóriniste Qazaqstan Respýblıkasynyń Konstıtýtsııasyn bildiretin, ortańǵy bóliginde Qazaqstan Respýblıkasynyń Memlekettik Eltańbasy ornalasqan ashylǵan kitaptyń beınesi jasalǵan. Kitaptyń astynda kógildir emalmen quıylǵan «25 JYL» degen jazý ornalasqan. Averstiń barlyq reńi Qazaqstan Respýblıkasynyń Memlekettik Týymen tústes emalmen quıylǵan. Sheńberdiń ishinde averstiń shetin boılaı «QAZAQSTAN KONSTITÝTsIıASYNA» degen jazý bar. Averstiń tómengi bóliginde ulttyq oıý-órnek beınelengen. Merekelik medaldaǵy barlyq beıneler men jazýlar shyǵyńqy ári jyltyraq.

Merekelik medal qulaqsha men shyǵyrshyq arqyly eni 32 mm jáne bıiktigi 50 mm alty buryshty taǵanmen jalǵasady.

Taǵan eni 32 mm kógildir tústi jibek qatqyl lentamen qaptalǵan. Lentanyń ortasynda eni 8 mm sary jolaq ótedi.

Taǵannyń syrtqy jaǵynda buıymdy kıimge bekitetin vızorly bekitkishi bar túıreýish ornalasqan.

_______________

«Qazaqstan Konstıtýtsııasyna

25 jyl» merekelik medaliniń

sıpattamasyna

QOSYMShA