+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Qazaqstan kommýnıstik halyq partııasy saılaýǵa daıyn - Aıqyn Qońyrov

2020 jylǵy 21 qazan 14:39
Bólisińiz:
Qazaqstan kommýnıstik halyq partııasy  saılaýǵa daıyn - Aıqyn Qońyrov

NUR-SULTAN. QazAqparat - Qazaqstan kommýnıstik halyq partııasy aldaǵy Májilis jáne máslıhat depýtattaryn saılaýǵa daıyn. Bul týraly atalǵan partııa múshesi, Májilis depýtaty Aıqyn Qońyrov aıtty, dep habarlaıdy QazAqparat tilshisi.

«Biz parlamenttik partııa retinde kez kelgen saılaý naýqanyna qatysýǵa mindettimiz. Óıtkeni, bul kúshimizdi baıqap kórýdiń úlken múmkinshiligi sanalady. Menińshe, búgingi álemdik ekonomıkalyq daǵdarys jaǵdaıynda bul óte ózekti bola tústi. Halyqtyń belgili bir bóligi bizdiń kózqarastarymyzdy jaqtap, qoldaý kórsetip otyr jáne sol adamdardyń úmitip aqtaýymyz kerek. Bizde protsedýra demokratııaly. Óıtkeni, jarǵymyz demokartııalyq ortalyqtandyrý negizinde jazylǵan jáne soǵan sáıkes partııaishilik tańdaý protsesteri partııa sessııasynda ashyq talqyǵa túsedi. Kommýnızm ıdeologııasynyń negizi - ádildik. biz saılaýǵa «áleýmettik ádildik» uranymen túsemiz», - dedi ol.

Onyń atap ótýinshe, Májilistegi kommýnıster osy ýaqytqa deıin áleýmettik teńsizdikti qamtamasyz etý úshin biraz jumys atqardy.

«Úkimetpen tolyqtaı ózara túsinistik ornaǵan dep aıta almaımyn. Olardyń óz mindeti, Ulttyq banktiń óz mindeti, oppozıtsııalyq partııa retinde bizdiń óz mindetimiz bar. Biz synaımyz, tipti keıde qoǵamnyń ıgiligi úshin áreket etip, májbúrleımiz de. Baspanany nesıe alǵandarmen, úleskendermen jaqsy jumys jasadyq. Menińshe, olardyń kópshiligi rıza dep oılaımyn. Óıtkeni, bul máseleni bizdiń fraktsııamyz eń birinshi bolyp kóterdi. Áıelderdiń zeınetkerlikke shyǵý jasyna qatysty zańdy qoldaǵan joq. Eń bastysy Parlament alańynda jerdi sheteldikterge satýǵa bolmaıtyndyǵyn eń birinshi bolyp málimdegen partııa boldyq»,- dedi Qońyrov.

Sonymen qatar, Májilis depýtaty aldaǵy saılaýda tómengi palata mandatyn kóbirek alýǵa tyrysatyndyǵyn basa aıtty.

«Osy aptada Qazaqstan kommýnıstik halyq partııasy ortalyq komıteti saıası bıýrosy ótedi. Sol otyrysta saılaýǵa qatysty barlyq máselelerdi talqylaımyz. Partııanyń sezin ótkizý, saıası baǵdarlamasyn jasaý máseleleri kóteriledi», - dedi ol.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT