+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qazaqstan Qarýly kúshteriniń ókilderi áskerı ataq jáne nagradalarmen marapattaldy

2020 jylǵy 6 mamyr 22:20
Bólisińiz:
Qazaqstan Qarýly kúshteriniń ókilderi áskerı ataq jáne nagradalarmen marapattaldy

NUR-SULTAN. QazAqparat - Otan qorǵaýshy kúni qarsańynda elimizdiń qaýipsizdigin jáne beıbit azamattardy qorǵaýda turǵan adamdardyń eńbegi elendi, dep habarlaıdy QR Qorǵanys mınıstrliginiń baspasóz qyzmeti.

Uqsas jańalyqtar
Pavlodarda áskerı ant onlaın rejimde qabyldandy

Óziniń kúndelikti jaýyngerlik eńbegimen Qarýly kúshterdiń jaýyngerlik daıyndyǵyn jáne Qazaqstannyń qorǵanys qabiletin nyǵaıtýǵa úles qosqandar kezekti áskerı ataqtar, memlekettik jáne vedomstvolyq nagradalarmen marapattaldy.

QR Prezıdentiniń «joǵary áskerı jáne arnaýly ataqtar, synyptyq shender jáne biliktilik synyptar berý týraly» Jarlyǵymen «general-leıtenant» áskerı ataǵy Qorǵanys mınıstri Nurlan Ermekbaevqa, Qorǵanys mınıstriniń birinshi orynbasary – Bas shtab bastyǵy Murat Bektanovqa, Qorǵanys mınıstriniń orynbasary Tımýr Dándibaevqa, sondaı-aq QR Tuńǵysh Prezıdenti - Elbasy atyndaǵy Ulttyq qorǵanys ýnıversıtetiniń bastyǵy Sultan Kamaletdınovke berildi. Sonymen qatar, QR Prezıdentiniń Jarlyǵymen 21 áskerı qyzmetshi memlekettik nagradalarǵa ıe boldy.

Kásibı mereke qarsańynda Qorǵanys mınıstrliginde Qarýly Kúshterdiń áskerı qyzmetshilerine qurmet kórsetý rásimi ótti. Jeke quramdaǵy marapatqa ıe bolǵandardyń negizgi bóligi rásimge beınebaılanys rejıminde qatysty.

Qorǵanys mınıstriniń buıryǵymen 15 ofıtserge merziminen buryn áskerı ataqtar berildi, segiz áskerı qyzmetshi «El qorǵany» vedomstvolyq nagradalarymen marapattaldy.

Olardyń ishinde Almaty qalasynda patrýldeýge qatysý barysynda kásibılik tanytqan eki kýrsant bar. Atap aıtqanda, Qurlyq áskerleri Áskerı ınstıtýtynyń kýrsanty Bahytjan Baratov, Radıoelektronıka jáne baılanys áskerı-ınjenerlik ınstıtýtynyń kýrsanty Bolat Ersultan.

Sonymen qatar QR QM Zań departamentiniń bastyǵy «Zań salasynyń úzdigi» tósbelgisimen marapattaldy.

Qorǵanys mınıstri Nurlan Ermekbaev jeke quramdy quttyqtady.

«Biz Sizdermen jańa ádisterdi qoldana otyryp, ondaǵan komandalyq-shtabtyq oqý-jattyǵýlar men jattyǵýlardy ótkizdik. Jedel daıyndyqtyń mańyzdy sharalarynyń biri, el Prezıdenti - Qarýly Kúshterdiń Joǵarǵy Bas qolbasshysynyń qatysýymen ótken «Aıbalta» strategııalyq komandalyq – shtabtyq oqý-jattyǵýy boldy», – dep atap ótti ol.


Mınıstr bizdiń kontıngentter shetelde túrli oqý-jattyǵýlarǵa qatysyp, elimizdiń aýmaǵynda da birlesken is-sharalar ótkizgenin eske sala ketti.

«Bitimgershilik qyzmetinde mańyzdy qadam jasaldy. Qazirgi Qarýly Kúshter tarıhynda alǵash ret biz «Lıvandaǵy BUU ýaqytsha kúshteri» mıssııasyna qatysý úshin derbes bitimgershilik bólimsheni jiberdik. Men Irakta, Aýǵanstanmen shekaradaǵy Tájikstanda, Kot-d-Ivýarda, Batys Saharada jáne Nepalda birqatar mıssııalardy oryndaýǵa qatysqan sizderdiń barlyqtaryńyzǵa rızashylyǵymdy bildiremin», – dedi Ermekbaev.

Sondaı-aq Arys qalasynda TJ saldaryn joıý boıynsha da belsendi jumystar júrgizilýde.

Mınıstr óz quttyqtaýynda bıylǵy jyly Otan qorǵaýshylar kúni el tarıhynda alǵash ret tótenshe jaǵdaı engizilgen erekshe jaǵdaılarda atap ótiletindigin atap ótti. Ol myńdaǵan áskerı qyzmetshi koronavırýstyń taralýyn boldyrmaý boıynsha qajetti sharalardy qamtamasyz ete otyryp, óz boryshyn abyroımen atqaratynyna nazar aýdardy. Sonymen qatar olar jarǵylarda da, laýazymdyq nusqaýlyqtarda da jazylmaǵan mańyzdy nárselerdi óz densaýlyǵyna qaýip tóndire otyryp oryndaıdy.

«Qarýly Kúshterdiń áskerı qyzmetshileri búkil el boıynsha myńdaǵan nysandar men ondaǵan mıllıon sharshy metrge dezınfektsııa júrgizdi, blokbeketterde qyzmet atqaryp, patrýldeý júrgizdi, júzdegen otandastardy evakýatsııalady jáne shet elden gýmanıtarlyq kómek kórsetti. Qaýip-qaterlerge qarsy turýdaǵy joǵary daıyndyq deńgeıin kórsetken barlyq áskerı-medıtsınalyq mekemeler jumyldyryldy», – dep atap ótti mınıstr.

Bul rette júzdegen áskerı qyzmetshiler óz mindetterin úıinen myńdaǵan shaqyrym jerde, dalalyq jaǵdaıynda oryndady.

«Osy qıyn-qystaý kezeńde bizdiń jaýyngerlerimizdiń joǵary kásibıligi, boryshqa adaldyǵy, áskerı baýyrlastyq jáne ózara kómek kórsetý sııaqty qasıetteri aıqyn kórindi. Qarapaıym adamdar úshin bul aýyr synaq bolsa, al áskerı qyzmetshiler úshin bul kezekti jattyǵý», – dedi Nurlan Ermekbaev.

Qorǵanys vedomstvosynyń basshysy qıyn ýaqytta el men halyqtyń múddeleri úshin áskerı qyzmetshi bolýǵa arnaıy jıyndarǵa shaqyrylýǵa óz erkimen nıet bildirgen birneshe myń jastarmen maqtana alatyn oıymen bólisti.

Qorǵanys mınıstri jeke quram men otbasylaryn Uly Otan soǵysyndaǵy Jeńistiń 75 jyldyǵymen quttyqtady.

«9 mamyrda adamzat násiline, dinine nemese áleýmettik mártebesine qaramastan beıbitshilik pen teńdik quqyǵy úshin soǵysty jeńip aldy. Ata-babalardyń erligi árqashan jadymyzda saqtady. Olar Otanymyzǵa táýelsizdik, al urpaqtaryna beıbit aspandy ósıet etken.

Bizdiń ortaq mindetimiz – Táýelsiz Qazaqstan tarıhynda osyndaı oqıǵa eshqashan qaıtalanbaýy úshin, bizdiń halqymyz ben bolashaq urpaqtyń qaýipsizdigin saqtaýǵa kún saıyn kómek kórsetý», – dedi mınıstr.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT