+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Qazaqstan Qarýly Kúshterinde merzimdi qyzmet áskerı qyzmetshilerin zapasqa shyǵarý aıaqtaldy

2021 jylǵy 31 shilde 18:58
Bólisińiz:
Qazaqstan Qarýly Kúshterinde merzimdi qyzmet áskerı qyzmetshilerin zapasqa shyǵarý aıaqtaldy

NUR-SULTAN. QazAqparat - Bıylǵy jylǵy 14 maýsym men 31 shilde kezeńinde belgilengen merzimdi ótkergen merzimdi qyzmet áskerı qyzmetshileri zapasqa shyǵaryldy.

Uqsas jańalyqtar
Májilis depýtaty áskerı zeınetkerler tap bolǵan problemany aıtty Qurlyq áskerleriniń jaýyngerlik ázirligi tekserilýde Qarýly Kúsh quramalary eldiń batysy men ońtústigine attandy

Bir jarym aı ishinde Qarýly Kúshterdiń áskerı bólimderi men mekemelerinen kezeń-kezeńimen 6 500-den astam sarbaz úıine qaıtyp oraldy.

«Biz árbir sarbazymyzdy maqtan tutamyz. Keshegi uıań bozbala jyl boıy ótken qarqyndy jaýyngerlik daıarlyqta, teorııalyq jáne praktıkalyq sabaqtarda naǵyz er jigit, óz eliniń qorǵaýshysy bolyp shyńdalyp shyǵady. Osy ýaqyt ishinde olar tájirıbe jınaqtap, kásibı daǵdyǵa ıe bolady, jańa mamandyqty meńgeredi», – dep atap ótti Desanttyq-shabýyldaý áskerleriniń qolbasshysy general-maıor Mereke Kúshikbaev.

Onyń aıtýynsha, sarbazdar kelisimshart boıynsha qyzmetin jalǵastyrý úshin áskerı bólimge qaıtyp oralsa nemese áskerı oqý ornyna oqýǵa tússe, komandırler úshin bul úlken maqtanysh sezimin týdyrady.

«Olar armııada turaqty jalaqy, kepildi turǵyn úı alýmen qatar, laıyqty medıtsınalyq qyzmetpen qamtamasyz etiledi jáne basqa da jeńildikterge ıe bolady, ıaǵnı bolashaǵyna degen senimi zor bolady», – dedi qolbasshy.

Sanıtarııalyq-epıdemıologııalyq jáne karantındik shekteýlerge baılanysty shyǵaryp salý saltanaty ótkizilgen joq, ata-analary men týysqandary shaqyrylǵan joq, áıtse de dástúrli áskerı joralǵylar uıymdastyrylyp ótkizildi. Merzimdi qyzmet áskerı qyzmetshileri áskerı bólimniń jaýyngerlik týymen qoshtasyp, áskerı orkestrdiń áýenimen alańnan saltanatty marshpen júrip ótti.

«Otan aldyndaǵy óz boryshyn abyroımen atqarǵan 2020 jylǵy kóktemde áskerge shaqyrylǵan sarbazdar atynan osy ýaqyt ishinde bizge árqashan qoldaý kórsetip, qıyn kezde demeý bolǵan áskerı bólimniń qolbasshylyǵyna, barlyq ofıtserleri men serjanttaryna rızashylyǵymdy bildiremin. Biz Halyq Qaharmany Qasym Qaısenov atyndaǵy brıgadada qyzmet ótkergenimizdi maqtan tutamyz. Zapasqa shyqsaq ta bizdiń basty uranymyz «Mindet! Abyroı! Erlik!» bolyp qala bermek», – dep zapasqa shyǵarylǵan sarbazdar atynan sóz sóılegen qatardaǵy jaýynger Nurdáýlet Ramazanov mehanıkalandyrylǵan brıgada qolbasshylyǵyna alǵys aıtty.

Qyzmet ótkergen kezeńnen estelik retinde sarbazdarǵa fotoalbomdar, al erekshe kózge túsken áskerı qyzmetshilerdiń ata-anasyna alǵyshat tabys etildi.

Zapasqa shyǵarylǵan áskerı qyzmetshiler úılerine temirjol kóligimen jiberiledi. Turǵylyqty jerine kelgennen keıin olar áskerı oqytylǵan rezerv retinde jergilikti áskerı basqarý organdaryna áskerı esepke qoıylatyn bolady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT