Qazaqstan qant ımportyn 32 paıyzǵa tómendetedi
2022 jylǵy 26 sáýir 12:12

Qazaqstan qant ımportyn 32 paıyzǵa tómendetedi

NUR-SULTAN. QazAqparat – Qazaqstan qant ımportyn 32 paıyzǵa tómendetedi. Bul týraly búgin Úkimet otyrysynda QR Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Jyl saıyn qantty tutyný shamamen 532 myń tonnany quraıdy. Onyń ishinde otandyq shıkizat esebinen 7 paıyzy ǵana qamtamyz etilgen. Bundaı kem kórsetkish óndiristiń - usaq bolýyna, sýarýǵa arnalǵan sýdyń jetispeýine jáne qant qyzylshasyn ósirý kezindegi qol eńbegine, qant zaýyttarynyń tozýyna, reseılik óndirýshiler tarapynan baǵanyń dempıngine baılanysty bolyp otyr», dedi mınıstr.

Onyń aıtýynsha, sýmen qamtamasyz etý problemasy sheshilip, egis alqaptaryn 14,5 myń gektardan 38 myń gektarǵa deıin keńeıtiledi. Tehnıkalyq jaraqtandyrý jumystary iske asyrylyp, salany ınfraqurylymdyq damytý qolǵa alynady. Sonymen qatar qant zaýytyn jańǵyrtý jáne salý jobalaryn iske qosý esebinen jalpy ónim jınaýdy 332 myń tonnadan 1,8 mln tonnaǵa deıin ulǵaıtý kózdeledi.

«Demek, qant óndirisin 7 ese 254 myń tonnaǵa deıin ulǵaıtý, qant ımportyn 32 paıyzǵa tómendetý kútilýde. Bul ishki naryqtyń otandyq óndiristegi qantpen qamtamasyz etilýin 7-den 43 paıyzǵa deıin arttyrýǵa múmkindik beredi. Budan basqa, joǵaryda kórsetilgen nátıjelerdi alý úshin 5-6 jyl ishinde sýbsıdııalar men jeńildetilgen kredıtter berý arqyly memlekettik qoldaý qajet», dedi Erbol Qarashókeev.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT