Qazaqstan hokkeıshileri álem chempıonatynda  taǵy da jeńilip qaldy
2022 jylǵy 21 mamyr 01:41

Qazaqstan hokkeıshileri álem chempıonatynda taǵy da jeńilip qaldy

NUR-SULTAN. QazAqparat - Shaıbaly hokkeıden álem chempıonatynda top-dıvızıonda Qazaqstan quramasy búgin kezekti oıynyn Slovakııaǵa qarsy ótkizdi, dep habarlaıdy QazAqparat tilshisi.

Búgingi kezdesý tartysty ótti. Birinshi kezeńde qazaqstandyq qurama sapynan Kırıll Panıýkov 15, Dmıtrıı Shevchenko 17-mınýttarda mergendik tanytsa, oǵan slovakııalyq Andreı Kollar bir shaıbamen ajýap qaıyrdy.

Ekinshi kezeńde slovakııalyq qurama qatarynan úsh shaıba soǵyp ketti. Olardyń qatarynan Martın Fegervary 29, Adam Lıshka 33, ıÝraı Slafkovskı 34-mınýttarda kózdegen nysanadan múlt ketken joq.

Úshinshi kezeńdi qazaqstandyq hokkeıshiler sátti bastady. Oıynnyń 43-mınýtta Kırıll Panıýkov taǵy bir márte gol soǵypǵ esep aıyrmasyn qysqarta tústi. Kezdesýde Qazaqstan quramasy qarsylasyna 3:4 esebimen ese jiberdi.

Endi olar aldaǵy oıynyn 22 mamyrda Germanııaǵa qarsy ótkizedi.

Aıta ketsek, álem chempıonaty 13-29 mamyr aralyǵynda Fınlıandııanyń Helsınkı jáne Tampere qalalarynda ótip jatyr

Qazaqstan quramasy A tobynda synǵa túsýde. Qarsylastary - Kanada, Slovakııa, Germanııa, Danııa, Shveıtsarııa, Italııa jáne Frantsııa.

Eske salsaq, budan buryn qazaqstandyq hokkeıshiler Danııa, Frantsııa, Shveıtsarııa jáne Kanada quramalarynan jeńildi.



Uqsas jańalyqtar

Jańalyqtar

MURAǴAT