Qazaqstan halqyna qory muqtaj abıtýrıentterge grant bóledi
2022 jylǵy 1 maýsym 17:27

Qazaqstan halqyna qory muqtaj abıtýrıentterge grant bóledi

NUR-SULTAN. QazAqparat – «Qazaqstan halqyna» qoǵamdyq qory muqtaj abıtýrentterge arnap 85 joǵary oqý ornyna úsh-úshten grant bóledi, dep habarlaıdy QazAqparat tilshisi.

«Bizge oqý ornyna bilim aqysyn óteý qıyndyǵyna tap bolǵan 1,5 myń jas pen stýdentten ótinim tústi. Olarǵa qalaı kómektesýge bolatynyn oılastyryp, sheshim qabyldadyq. Qamqorshylar keńesi ol baǵdarlamany maquldady. Oqý aqysyn tóleý qıyndyǵyna tap kelgen, turmysy tómen otbasylardan shyqqan, aýyl mektepterin bitirgen abıtýrentterge grant bólý baǵdarlamasy bekitilgenin aıtyp otyrmyn. Bul qatarǵa qarjylyq jaǵdaıy qıyn jastardan bólek jetim balalar men múgedektigi bar balalar da qosylady. ıAǵnı, olar da osy granttan úmittene alady», - dedi qordyń tóraǵasy Bolat Jámishev.

Alaıda bul jekelegen abıtýrentke emes, joǵary oqý oryndaryna beriledi.

«Bilim jáne ǵylym mınıstrliginiń grant baǵdarlamasy boıynsha jumys isteıtin joǵary oqý oryndarynyń árqaısysyna osyndaı sıpattaǵy úsh granttan úlestiriledi. Grantqa túsý úshin abıtýrent oǵan memlekettik grant alýǵa jetkilikti ball jınaýy kerek. Biraq memlekettik grant alǵysy keletinder kóp bolǵandyqtan, joǵaryda atalǵan talaptarǵa saı keletin túlekter memlekettik grant ıelenýge quqyly bolady», - dedi qor tóraǵasy.

Qoǵamdyq qordyń baspasóz qyzmetiniń túsindirýinshe, bul jerde UBT nátıjesi boıynsha grantqa 1-2 ball jetpeı qalǵan nemese UBT-dan alǵan baly jetip tursa da attestattaǵy baǵa kórsetkishteri grant alýyna múmkindik bermeıtin balalar ár joǵary oqý ornyna bólinetin 3 granttyń birinen úmittene alady. Ol úshin abıtýrent az qamtylǵan otbasynyń múshesi nemese jetim bala, múgedektigi bar bala bolýy shart.

«85 joǵary oqý ornyna bakalavrıat badǵarlamasynyń 3 grantynan keledi. Odan bólek atalǵan muqtajdyq sanatyna jatatyn stýdentterge 100 shákirtaqy taǵaıyndadyq. Biraq ol úmitkerlerdi osy salada jumys istep júrgen, stýdentterge tanys qaıyrymdylyq qorlary irikteıdi.

Bul baǵdarlama boıynsha bıylǵy bıýdjetke 378 mln teńge bólindi. Bul soma jyl saıyn ósip otyrady», - dedi qoǵamdyq qordyń basshysy.

Atalǵan brıfıngide Qazaqstan halqyna qory quryltaıshylarynyń ókileti qysqarǵany málim boldy.


Seriktester jańalyqtary

Jańalyqtar

Úrdis

MURAǴAT