Qazaqstan halqyna qory quryltaıshylarynyń ókileti qysqardy
2022 jylǵy 1 maýsym 16:32

Qazaqstan halqyna qory quryltaıshylarynyń ókileti qysqardy

NUR-SULTAN. QazAqparat – «Qazaqstan halqyna» qory quryltaıshylarynyń ókileti qamqorshylar keńesine beriledi, dep habarlaıdy QazAqparat tilshisi.

«Búginnen bastap qordyń Jarǵysyna, quryltaıshylyq kelisimsharttaryna ózgeris engiziledi. Buǵan deıin Shyńǵysbaeva quryltaıshy uıymnyń basshysy bolǵan edi. Jalpy quryltaıshylardyń ekeýi zańdy tulǵa, ekeýi jeke tulǵa edi. Qaıyrymdylyq týraly zańnama boıynsha Jarǵyǵa ózgeris engizemiz. Sonyń aıasynda qordyń joǵarǵy basqarýshy organy qamqorshylar keńesi bolady. Qazirgideı quryltaıshylardyń jalpy keńesi bolmaıdy. Búginnen bastap quryltaıshylardyń eshqandaı ókileti bolmaıdy. Búkil ókilet qamqorshylar keńesine ótedi», - dedi qordyń tóraǵasy.

Sondaı-aq, qordyń qamqorshylar keńesine jańa úsh adam qosylmaq.

«Budan bylaı qordyń qyzmetine baılanysty sheshimniń bárin qamqorshylar keńesi qabyldaıdy. Olardyń sany 12-den 15-ke kóbeıedi. Záýresh Amanjolova, Ábilǵazy Qusaıynov jáne Ivan Sáýer keńestiń jańa músheleri bolady», - dedi Bolat Jámishev.

Buǵan deıin «Qazaqstan halqyna» qory sal bolyp qalǵan balalarǵa ekzoskelet satyp áperetini aıtyldy .


Seriktester jańalyqtary

Jańalyqtar

Úrdis

MURAǴAT