«Qazaqstan halqyna» qory qańtarda kóz jumǵan polıtseılerdiń otbasyna kómek bere bastady
2022 jylǵy 6 naýryz 15:44

«Qazaqstan halqyna» qory qańtarda kóz jumǵan polıtseılerdiń otbasyna kómek bere bastady

NUR-SULTAN. QazAqparat - «Qazaqstan halqyna» qoǵamdyq qory ІІM, Ulttyq qaýipsizdik komıteti qyzmetshileri jáne Qorǵanys mınıstrligi jáne Ulttyq ulannyń áskerı qyzmetshilerine kómek retinde materıaldyq tólem tóleı bastady, dep habarlaıdy QazAqparat.

Onyń ishinde qaza tapqan 19 qyzmetker men aýyr jaraqat alǵan 106 adamnyń otbasy músheleri bar.

Tólemder joǵaryda atalǵan memlekettik organdardan alynǵan resmı tizim negizinde júzege asyrylady.

Bul sanattaǵy jábirlenýshilerge arnalǵan tólemniń jalpy somasy - 451 mıllıon teńge.

Eske salaıyq, buǵan deıin Qamqorshylyq keńes qor basqarmasyna qaza tapqan jáne aýyr jaralanǵan áskerı qyzmetkerlerdiń otbasylaryna, ishki ister jáne ulttyq qaýipsizdik organdary qyzmetkerlerine belgilengen somalardy tóleýdi tapsyrǵan bolatyn. Sondaı-aq, keńeske adam quqyqtary jáne bala quqyqtary jónindegi ýákilderdiń qorǵa usynǵan tizimderinen kezdeısoq zardap shekken azamattardyń óliminiń mán-jaıyn quzyrly organdarmen birlesip pysyqtaý tapsyryldy.

Qor ýákiletti memlekettik organdardan tıisti resmı málimetter alǵannan keıin osy sanattaǵy qaza bolǵandardyń týystaryna tólemderdi júrgizýdi bastaıdy.


Seriktester jańalyqtary

Jańalyqtar

Úrdis

MURAǴAT