Qazaqstan halqyna qory qańtar oqıǵasynda qaıtys bolǵan 19 beıbit turǵynnyń otbasyna kómek kórsetti
2022 jylǵy 1 maýsym 16:16

Qazaqstan halqyna qory qańtar oqıǵasynda qaıtys bolǵan 19 beıbit turǵynnyń otbasyna kómek kórsetti

NUR-SULTAN. QazAqparat – «Qazaqstan halqyna qory» qańtar oqıǵasynda qaıtys bolǵan 19 beıbit turǵynnyń otbasyna kómek kórsetti, dep habarlaıdy QazAqparat tilshisi.

Qordyń tóraǵasy Bolat Jámishev Ortalyq kommýnıkatsııalar qyzmetinde osyndaı derek keltirdi.

«Qańtar oqıǵasynda kezdeısoq zardap shekken beıbit turǵyndarǵa «Qazaqstan halqyna qorynan» kómek kórsetý máselesi quzyrly organdardyń tergeý málimetterine baılanysty. Óıtkeni biz qoǵamdyq qor bolǵandyqtan, kimniń kezdeısoq qurban ekenin aıta almaımyz. Qamqorshylar keńesi kezdeısoq qaıtys bolǵan beıbit qurbandardyń otbasylaryna kómektesemiz degen sheshim qabyldaǵan bolatyn», - dep túsindirdiń Bolat Jámishev.

Onyń sózinshe, qańtar targedııasy kezinde qaıtys bolǵandardyń týystarynan, azamattardan, qoǵamdyq uıymdardan, ombýdsmennen ótinishter túsip jatyr.

«Biz bul aqparattyń bárin quzyrly organdarǵa joldap, jaýabyn kútemiz. Alǵashqy jaýapty aldyq ta. 19 adamnyń tizimin aldyq. Mamyr aıynda odan basqa tizim alǵan joqpyz. Men tergeý áreketteri aıaqtalýyna qaraı ondaı tizimderdi tolyq alamyz dep topshylaımyn. Qańtar oqıǵasyna kináli dep tanylǵan adam bolsa, onyń otbasyna kómek kórsetpeımiz. Qamqorshylar keńesi osyndaı sheshim shyǵarǵan.

Tergeý áreketi aıaqtalǵannan keıin qańtar oıǵasyna kinási bar ekeni týraly málimet kelmegen adamdar biz úshin beıbit qurban bolyp esepteledi. Olarǵa da kómek kórsetemiz. Sonda bári tergeý áreketterimen baılanysty. Qazir ótinish joldap jatqandardyń bárine osyny túsindirip otyrmyz. Úkimet qaıtys bolǵandardyń jalpy sanyn ataǵanyn bilesizder. Solardyń kópshiliginiń týystary ótinishi joldady dep aıtýǵa bolady», - dedi qoǵamdyq qor tóraǵasy.

Buǵan deıin «Qazaqstan halqyna» qory sal bolyp qalǵan balalarǵa ekzoskelet satyp áperetini aıtyldy.


Seriktester jańalyqtary

Jańalyqtar

Úrdis

MURAǴAT