«Qazaqstan halqyna» qory qańtar oqıǵasynan zardap shekkenderge 3 mln teńgeden aýdardy
2022 jylǵy 13 maýsym 11:38

«Qazaqstan halqyna» qory qańtar oqıǵasynan zardap shekkenderge 3 mln teńgeden aýdardy

NUR-SULTAN. QazAqparat - «Qazaqstan halqyna» qoǵamdyq qory Іshki ister mınıstrligi, Ulttyq qaýipsizdik komıtetiniń aýyr jaraqattanǵan 5 qyzmetkerine jáne Qorǵanys mınıstrligi men Ulttyq ulannyń áskerı qyzmetshilerine árqaısysyna 3 mıllıon teńgeden tóledi, dep habarlaıdy QazAqparat.

Tólemder joǵaryda atalǵan memlekettik organdardan alynǵan resmı tizim negizinde júzege asyrylady.

Eske sala keteıik, osyǵan deıin qor qaza bolǵan 19 adamnyń otbasy múshelerine 7 mln ​​teńgeden jáne joǵaryda atalǵan organdardyń aýyr jaraqat alǵan 106 qyzmetkerine 3 mln teńgeden aqshalaı aýdarym jasaǵan bolatyn.


Jańalyqtar

Úrdis

MURAǴAT