QR Prezıdenti tóraǵalyǵymen Qazaqstan halqy Assambleıasynyń HHHІ sessııasy ashyldy
2022 jylǵy 29 sáýir 10:57

QR Prezıdenti tóraǵalyǵymen Qazaqstan halqy Assambleıasynyń HHHІ sessııasy ashyldy

NUR-SULTAN. QazAqparat – Qazaqstan Prezıdenti Qasym-Jomart Toqaevtyń tóraǵalyǵymen Qazaqstan halqy Assambleıasynyń kezekti otyz birinshi sessııasy ashyldy, dep habarlaıdy QazAqparat tilshisi.

Assambleıanyń bul jolǵy jıyny «El birligi – jańarǵan Qazaqstannyń tiregi» kún tártibimen ótedi.

«Qoǵamdyq kelisim» RMM dırektory Ǵalymjan Qusmanǵalıdiń aıtýynsha, sessııa eki kúnge josparlanǵan bolatyn.

«Birinshi kúni úsh sektsııada pikirtalastar ótti – «Ult keleshegi jáne QHA-ny jańǵyrtý, «Halyq birligi; bilimniń, mádenıettiń jáne azamattyq qoǵam men buqaralyq medıa ınstıtýttardyń róli» jáne úshinshi sektsııanyń taqyryby: «Qazaqstan halqy Assambleıasynyń jastar sessııasy». QHA sessııasy Prezıdent Qasym-Jomart Toqaevtyń tóraǵalyǵymen ótedi», - dedi ol.

Buǵan deıin jazǵanymyzdaı, keshe ortalyq saılaý komıssııasynyń tóraǵasy Nurlan Ábdirovtiń tóraǵalyǵymen vedomstvo otyrysy ótti.

Onda QR Parlamenti Májilisiniń shyǵyp qalǵan depýtatynyń ornyna saılaý úshin Qazaqstan halqy Assambleıasynan usynylǵan kandıdattardy tirkeý máselesi qaraldy. Daýys berý bıylǵy 28 sáýirge taǵaıyndalǵan.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT