+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Qazaqstan GovTech tsıfrlandyrýdyń platformalyq modeline kóshedi

2021 jylǵy 3 qyrkúıek 15:28
Bólisińiz:
Qazaqstan GovTech tsıfrlandyrýdyń platformalyq modeline kóshedi

NUR-SULTAN. QazAqparat - Búgin Shyǵys ekonomıkalyq forýmy aıasynda QR Premer-Mınıstri Asqar Mamın men SBER kompanııalar tobynyń basshysy German Gref Qazaqstan Respýblıkasynyń tsıfrlyq transformatsııasy, tsıfrlandyrýdyń platformalyq modeline jáne «Data-Driven Government» tujyrymdamasyna kóshý jónindegi jobalardy iske asyrý salasyndaǵy yntymaqtastyq týraly memorandýmǵa qol qoıdy.

Uqsas jańalyqtar
ShYU-men yntymaqtastyqty ulǵaıtý qajet - Prezıdent JEEK otyrysy: Qazaqstan Prezıdenti ekologııalyq qaýipsizdikke qatysty pikir bildirdi QR Prezıdenti EAEO elderine transshekaralyq kólik áleýetin damytýdy usyndy

QR Úkimeti baspasóz qyzmetiniń habarlaýynsha, qol qoıý rásimi QR Prezıdenti Qasym-Jomart Toqaev pen RF Prezıdenti Vladımır Pýtınniń qatysýymen beınekonferentsııa baılanysy formatynda ótti, dep habarlaıdy QazAqparat.

Qujat Qazaqstanda GovTech tsıfrlyq platformasyn engizý, derekterdi taldaý jáne jasandy zerde boıynsha praktıkalardy qoldana otyryp, memlekettik basqarýdyń reınjınırıngi jáne tsıfrlyq transformatsııalaý boıynsha yntymaqtastyqty damytýdyń negizgi tásilderin kózdeıdi.

Tsıfrlyq arhıtektýranyń platformalyq modeli halyqqa memlekettik qyzmet kórsetýdiń jyldamdyǵy men tıimdiligin arttyrýǵa jol ashady.

«Bul joba memleketterimizdiń ózara seniminiń belgisin taǵy bir aıqyndaı túsedi. 15 jyldan astam ýaqyt bizdiń naryqta tabysty jumys istep kele jatqan SBER-diń qazaqstandyq memtehtyń ınstıtýtsıonaldyq negizin qalyptastyrýǵa atsalysýy Qazaqstan men Reseı arasyndaǵy yntymaqtastyqty zııatkerlik tehnologııa sııaqty asa mańyzdy sala arqyly jan-jaqty ete túsedi. Shyn máninde, bul óte mańyzdy qadam», — dedi Qazaqstan Respýblıkasynyń Prezıdenti Qasym-Jomart Toqaev.

Memleket basshysy osy strategııalyq jobany iske asyrý Qazaqstan azamattarynyń turmys sapasyn arttyrýǵa jáne bıznes ahýaldy jaqsartýǵa yqpal etetinin aıtty.

Reseı Federatsııasynyń Prezıdenti Vladımır Pýtın óz sózinde QR Úkimeti men SBER kompanııalar toby arasyndaǵy qujatqa qol qoıý eki eldiń barlyq saladaǵy, sonyń ishinde tsıfrlandyrýdaǵy yntymaqtastyǵynyń joǵary deńgeıiniń taǵy bir dáleli ekenin atap ótti.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT