+7 (701) 759 90 19
USD 389.34 EUR 428.78
RUB 6.05 CNY 55.45
Jańalyqtar

Qazaqstan fýtbol quramasy óz alańynda Belgııadan jeńilip qaldy

2019 jylǵy 13 qazan 20:56
Bólisińiz:
Qazaqstan fýtbol quramasy óz alańynda Belgııadan jeńilip qaldy

NUR-SULTAN. QazAqparat – Fýtboldan 2020 jylǵy Eýropa chempıonatyna irikteý aıasynda Qazaqstan ulttyq quramasy «Astana Arenada» Belgııany qabyldady, dep habarlaıdy QazAqparat tilshisi.

Oıynnyń týrnır kestesi turǵysynan eshqandaı mańyzy joq edi. Belgııa qurlyq chempıonatyna baratyn joldamany ótken týrda alyp bolǵan, al Qazaqstan ondaı múmkindikten Kıprden utylǵan soń aıyrylǵan.

Sondyqtan eki quramanyń bapkerleriniń aldynda eki túrli másele turdy. Roberto Martınes aldaǵy mańyzdy matchtarǵa taktıkalyq daǵdylardy jetildirýge kóńil bólse, Mıhal Bılek shákirtteri óz jankúıerleriniń kóz aldynda jaqsy oıyn kórsetý úshin namysqa tyrysty.

Qazaqstan quramasy oıyndy jaqsy bastady deýge bolady. Tipti keı tustarda azýly qarsylaspen terezesi teń oıyn kórsetip te júrdi, qorǵanys shebi qyraǵy boldy. Alǵashqy jıyrma mınýtta qonaqtar yrymǵa bir qaýipti shabýyl uıymdastyra alǵan joq. Ókinishke qaraı, sol qyraǵy qorǵanys 21-mınýtqa kelgende bir sát qana alańsyz bolyp qaldy. Sonyń ózi belgııalyqtardyń esep ashýyna jetkilikti boldy. Jartylaı oń qanatta Qazaqstan qorǵanysynyń eki shebiniń arasynan Dennıs Prat kútpegende sytylyp shyǵa keldi de, komandalasynan dopty alǵan bette qaqpashy alańqaıynyń ishine – týra Mıshı Batshýaııge dál pas berdi. 23-nómirdegi shabýylshy múmkindikti múlt jibergen joq.

Ekinshi taım da birshama teń oıynmen bastalǵandaı boldy. Qonaqtar jıi shabýyldaǵanmen, múmkindik az boldy. Biraq 53-mınýtta qonaqtardyń kapıtany Eden Azar taǵy da jartylaı oń qanattan ashyla bastaǵan Toma Menege dál kross jasady. Osy jerde komandalardyń, oıynshylardyń jalpy deńgeıi belgili boldy. Dopty ózine sátti óńgerip alǵan Mene Nepogodov qaqpasyna dál soqqy baǵyttap, esepti eseleı tústi.

Oıyn aıaǵyna qaraı belgııalyqtar taǵy da gol soǵý úshin shabýyldar uıymdastyrdy, biraq alań ıeleriniń qorǵanysy endi syr bergen joq. Osylaısha, oıyn 0:2 esebimen aıaqtaldy.

І tobynda 8-týrdan keıin Qazaqstan 7 upaımen 4-orynda qaldy. Al Belgııa tolyq 24 upaımen keste basyna nyq jaıǵasty.

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Nurlan Tuıaqov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT