+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Qazaqstan fermerleri jylqy men qoı basyn saqtandyratyn boldy

2021 jylǵy 3 tamyz 18:09
Bólisińiz:
Qazaqstan fermerleri jylqy men qoı basyn saqtandyratyn boldy

NUR-SULTAN. QazAqparat – Saqtandyrý shyǵyndary memleket esebinen sýbsıdııalanatyn túliktiń qataryn qoı men jylqy tolyqtyratyn boldy. Buǵan deıin tek múıizdi iri qara basyn saqtandyrý shyǵyndaryna bıýdjetten sýbsıdııa tólenetin, dep habarlaıdy QazAqparat tilshisi.

Uqsas jańalyqtar
Bıyl jem-shóp daıarlaý jospary oryndaldy ma Prezıdent BUU sammıtinde Qazaqstannyń qurǵaq klımattyń áserimen betpe-bet kelip otyrǵanyn aıtty SQO-da 300-den astam iri qara mal brýtsellez juqtyrdy

«Naryqqa usaq mal men jylqy basyn tolyq saqtandyrýdy qamtamasyz etetin jańa ónimder engizildi. Oǵan barlyq yqtımal táýekelder kiredi jáne saqtandyrýdyń quny salystyrmaly túrde tómen», - dep jazylǵan Aýyl sharýashylyǵy mınıstrligi baspasóz qyzmetiniń málimetinde.

Mundaǵy «táýekelderdiń bári dep otyrǵany» – indet, órt, jazataıym oqıǵa sııaqty adam erkinen tys bolatyn tosyn jaıttar. Sondaı-aq, ury soıyp áketkeni dáleldense de, iz-túzsiz joǵalyp ketse saqtandyrý arqyly shyǵyndy ótep alý tetigi usynylady.

«Burynǵy tásil boıynsha fermer malyn óz sharýashylyǵynyń aýmaǵynda ǵana túrli táýekelderden saqtandyra alatyn. Al usynylyp otyrǵan júıe boıynsha saqtandyrý aýqymy 5 shaqyrym radıýstaǵy aýmaqqa túgel júredi», - deligen resmı málimette.

Mundaǵy basty talaptyń biri – saqtandyrylatyn maldyń sany 30-dan kem bolmaýy kerek. Saqtandyrýǵa jatatyn túlik sany kóbeıgen saıyn tarıf te ózgerip otyrady. Mysaly jylqyǵa 2,31 –6,46% aralyǵynda, usaq malǵa 2,38 – 6,16% aralyǵynda tarıf usynylady.

Eń bastysy, mal basyn saqtandyrýǵa tólengen qarajattyń teń jartysyn memleket sýbsıdııalaıdy. ıAǵnı, saqtandyrý shartyn jasasqan kezde fermer sharttaǵy baǵanyń jartysyn ǵana tóleıdi. Qalǵan bóligin Aýyl sharýashylyǵyn qarjylaı qoldaý qory bóledi» - deıdi qordyń basqarýshy dırektory Asqar Qalıev.

Mal basyn saqtandyrý naryǵyn alaıaqtardan taza ustaý úshin bul iske Qarjy naryǵyn retteý jáne damytý jónindegi agenttigi bergen lıtsenzııasy bar kompanııalardyń ǵana jumys isteýine ruqsat etilip otyr.

Saqtandyrýmen baılanysty qujattar men qarjylyq operatsııalardyń bárin elektrondy tsıfrlyq qoltańba arqyly Qoldau.kz platformasyndaǵy Agroinsurance aqparattyq servısinde júrgizýge bolady.

Bul júıede saqtandyrylǵan maldyń aýrýǵa shaldyǵý deregi, oǵan ıesiniń qandaı emdik sharalar qoldanǵany týraly málimetter de engizilip otyrady.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT