Qazaqstan Eýropalyq Odaqtyń Ortalyq Azııadaǵy óńirlik baǵdarlamalaryn ázirleýge belsendi qatysady

NUR-SULTAN. QazAqparat - Qazaqstan Eýropalyq Odaqtyń Ortalyq Azııadaǵy óńirlik baǵdarlamalaryn ázirleýge belsendi qatysady. Búgin QR Syrtqy ister mınıstri Muhtar Tileýberdi men Astana klýbynyń 5-mereıtoılyq otyrysyna qatysýǵa kelgen EO-nyń Ortalyq Azııa boıynsha arnaıy ókili Peter Býrıannyń kelissózi niń negizgi arqaýy osyndaı boldy, dep habarlaıdy QazAqparat SІM baspasóz qyzmetine silteme jasap.

Uqsas jańalyqtar

Ýrýgvaı Syrtqy ister mınıstri Qazaqstanǵa alǵash ret saparmen keldi

QR Syrtqy ister mınıstri Nıý-Iorkte birqatar ekijaqty kezdesý ótkizdi QR Syrtqy ister mınıstri BUU Qaýipsizdik keńesinde sóz sóıledi Qazaqstan Syrtqy ister mınıstri AQSh Ákimshiligi ókilderimen kezdesti

Suhbat barysynda ekologııa, tsıfrlyq damý, gýmanıtarlyq almasý jáne turaqty ózara baılanys máseleleri sekildi perspektıvaly baǵyttar boıynsha Qazaqstan men Eýropalyq Odaq arasyndaǵy áriptestik qatynastardy nyǵaıtý máselelerin qosa alǵanda, halyqaralyq jáne óńirdiń kún tártibindegi ózekti máseleler boıynsha jan-jaqty pikir almasý ótti.

Syrtqy saıasat vedomstvosynyń basshysy 2019 jyl Ortalyq Azııa boıynsha jańa Strategııanyń qabyldanýyna jáne 2015 jylǵy 21 jeltoqsanda Nur-Sultanda qol qoıylǵan QR-EO keńeıtilgen áriptestik jáne yntymaqtastyq týraly kelisimdi ratıfıkatsııalaý rásiminiń aıaqtalýy ekijaqty qarym-qatynastar tarıhynda mańyzdy oqıǵa bolǵanyn atap ótti.

«Biz Qazaqstan-Eýropa qatynastaryn sapaly jańa kezeńiniń bastalýyn bildiretin osy strategııalyq qujattarǵa úlken úmit artamyz. Olardyń tabysty júzege asyrylýy, birinshi kezekte, Qazaqstan men Eýropalyq Odaq arasyndaǵy ózara tıimdi saýda-ekonomıkalyq jáne ınvestıtsııalyq yntymaqtastyqty arttyrýǵa alyp keletinine senim bildiremin», - dedi ol.

Eýropalyq dıplomat Qazaqstan Ortalyq Azııa boıynsha jańa strategııany iske asyrý boıynsha Eýropada mańyzdy seriktes retinde qabyldanatynyn atap ótti. P.Býrıan elimizdiń Ortalyq Azııa men Aýǵanstandaǵy saıası jáne saýda-ekonomıkalyq yntymaqtastyqty, sondaı-aq halyqaralyq qaýipsizdikti nyǵaıtýdaǵy róline erekshe toqtalyp ótti. Osy oraıda eýropalyq tarap óńir úshin jalpy bıýdjeti 55,6 mln.eýrony quraıtyn úsh jańa baǵdarlamanyń iske qosylǵany týraly habardar etti. Bul jobalar Ortalyq Azııadaǵy ınvestıtsııalardy, básekege qabilettilikti jáne saýdany qoldaýǵa baǵyttalǵan.

Kezdesý aıasynda joǵary deńgeıdegi kezdesýlerdi, yntymaqtastyq keńeske, konferentsııalar men «dóńgelek ústelderge» qatysýdy qamtıtyn QR-EO jáne

QR-OA yntymaqtastyq formaty boıynsha 2020 jylǵa arnalǵan is-sharalardyń perspektıvti kúntizbesine erekshe nazar aýdaryldy.

Kelissózder qorytyndysy boıynsha, taraptar Eýropalyq Odaqtyń Qazaqstanmen jáne óńirmen syndarly yntymaqtastyq áleýetin iske asyrý maqsatynda turaqty jumys baılanystaryn qoldaýǵa ýaǵdalasty.