+7 (701) 759 90 19
USD 376.84 EUR 407.97
RUB 5.91 CNY 53.80
Jańalyqtar

Qazaqstan Eýropalyq odaqpen yntymaqtastyqty keńeıtýde

2020 jylǵy 21 qańtar 07:43
Bólisińiz:
Qazaqstan Eýropalyq odaqpen yntymaqtastyqty keńeıtýde

BRıÝSSELЬ. QazAqparat – Qazaqstan men Eýropalyq odaq Yntymaqtastyq keńesiniń 17-shi otyrysyn ótkizdi. Oǵan Qazaqstan Respýblıkasynyń Syrtqy ister mınıstri Muhtar Tileýberdi qatysty. Eýropalyq tarapty EO Keńesinde tóraǵalyq etýshi Horvatııa Syrtqy jáne eýropalyq ister mınıstri Gordan Grlıch Radman tanystyrdy, dep habarlaıdy QazAqparat.

Uqsas jańalyqtar
Ulybrıtanııa EO-dan referendýmnan soń 3,5 jyldan keıin resmı shyqty Germanııa Qazaqstanmen ekonomıkalyq yntymaqtastyqty keńeıtýge múddeli Eýroparlament Ulybrıtanııanyń EO-dan shyǵý kelisimin maquldady

«EO Keńesi osy kúni 2020 jylǵy naýryzda kúshine enetin Qazaqstan Respýblıkasymen Keńeıtilgen áriptestik pen yntymaqtastyq týraly kelisimdi (KÁYK) ratıfıkatsııalaýdy aıaqtaý týraly sheshim qabyldady.


Yntymaqtastyq keńesi negizgi fokýsty QR - EO yntymaqtastyǵynyń saıası jáne saýda-ekonomıkalyq perspektıvalaryn talqylaýǵa baǵyttady. Sondaı-aq, taraptar álemdegi aǵymdaǵy ahýal týraly pikir almasty», delingen QR SІM málimetinde.

Sondaı-aq otyrys barysynda Ortalyq Azııa jáne Eýropa men Azııany ózara baılanystyrý boıynsha EO-nyń jańa strategııalaryn iske asyrý joldary men birlesken kúsh-jigerler talqylandy.

EO Keńesiniń ókilderi halyqaralyq jáne óńirlik qaýipsizdik, saýda, ınvestıtsııa, ınfraqurylymdy damytý, sondaı-aq ınnovatsııalar, mádenıet, sport jáne týrızm máselelerin qamtıtyn yntymaqtastyqtyń 29 perspektıvalyq baǵytynda Kelisim erejelerin iske asyrý boıynsha Qazaqstanmen pándik jumysqa daıyn ekendigin bildirdi.

Taraptar saýda-ekonomıkalyq jáne ınvestıtsııalyq yntymaqtastyqty keńeıtý ózara is-qımyldyń basym baǵyty retinde qarastyrylatynyna kelisti. Energetıka, kólik, qorshaǵan orta, bilim jáne ǵylym salasyndaǵy ózara tıimdi áriptestikti tereńdetýge erekshe qyzyǵýshylyq rastaldy.

Kelissózder barysynda taraptar QR Prezıdenti Q. Toqaevtyń Brıýsselge aǵymdaǵy jyly josparlanǵan saparynyń daıyndyǵyn talqylady, sondaı-aq osy jyly ótetin QR - EO jáne EO - Ortalyq Azııa yntymaqtastyq qurylymdary jelisi boıynsha is-sharalardyń kestesin kelisti.

Yntymaqtastyq keńesiniń otyrysy aıaqtalǵannan keıin Qazaqstannyń syrtqy saıası vedomstvosynyń basshysy eýropalyq BAQ úshin baspasóz máslıhatyn ótkizdi.

Eýropalyq Odaq QR negizgi saýda jáne ınvestıtsııalyq áriptesi bolyp tabylady, onyń úlesine elimizdiń ekonomıkasyna syrtqy saýda aınalymy men ınvestıtsııanyń shamamen jartysy tıesili.

2019 jylǵy qańtar-qarashada Qazaqstannyń EO elderimen syrtqy saýda aınalymy 28,7 mlrd AQSh dollaryn qurady (eksport – 22,7 mlrd dollar, ımport - 6 mlrd dollar). 2018 jyly taýar aınalymy 37,7 mlrd dollar (eksport – 31 mlrd dollar, ımport – 6,7 mlrd dollar), 2017 jyly - 30 mlrd dollar, 2016 jyly - 24,1 mlrd dollardy qurady.

2019 jyldyń І jartyjyldyǵynyń qorytyndysy boıynsha 5,4 mlrd AQSh dollar tikeleı sheteldik ınvestıtsııalar (TShI) tartyldy. 2018 jyly TShI kólemi 11,6 mlrd AQSh dollaryn qurady.

Qazaqstan 2015 jyly EO-men Keńeıtilgen áriptestik pen yntymaqtastyq týraly kelisimge qol qoıǵan Ortalyq Azııa aımaǵyndaǵy alǵashqy el boldy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT