+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Qazaqstan elshisi Túrikmenstan mınıstrlerimen kezdesti

2020 jylǵy 27 aqpan 18:18
Bólisińiz:
Qazaqstan elshisi Túrikmenstan mınıstrlerimen kezdesti

AShǴABAT. QazAqparat - Qazaqstannyń Elshisi Erkebulan Sápıev Túrikmenstan Bilim mınıstri Mamedmýrad Geldynııazovpen jáne Mádenıet mınıstri Atageldi Shamýradovpen jumys kezdesýin ótkizdi. Bul týraly QR Syrtqy ister mınıstrliginen málim etti, dep habarlaıdy QazAqparat.

M. Geldynııazovpen kezdesý aıasynda taraptar Qazaqstan men Túrikmenstan arasyndaǵy bilim jáne ǵylym salasyndaǵy yntymaqtastyqtyń qazirgi jaǵdaıy men damý perspektıvalaryn talqylady. Sondaı-aq bilim berýdi tsıfrlandyrý, tájirıbe almasý, oqytýshylar men stýdentter almasý, mektep jáne stýdenttik halyqaralyq olımpıadalarǵa qatysý, eki eldiń aldyńǵy qatarly joǵary oqý oryndary arasynda jeke kelisimder jasasý máseleleri qaraldy.

Sonymen qatar, Mádenıet mınıstri A. Shamýradovpen kezdesý barysynda taraptar mádenı-gýmanıtarlyq saladaǵy qazaqstan-túrikmen qarym-qatynastaryn odan ári nyǵaıtýǵa qatysty pikirlerimen jáne usynystarymen almasty. Atap aıtqanda, aǵymdaǵy jyly ekijaqty mádenı is-sharalar ótkizý, onyń ishinde Túrikmenstannyń Qazaqstandaǵy Mádenıet kúnderi, Qazaqstan men Túrikmenstan arasyndaǵy mádenı yntymaqtastyqtyń sharttyq-quqyqtyq bazasyn keńeıtý, sondaı-aq mádenıet salasyndaǵy yqtımal birlesken jobalardy iske asyrý máseleleri talqylandy.

Kezdesýlerdiń qorytyndysy boıynsha qazaqstandyq dıplomat suhbattasýshylardy Ábý Nasyr ál-Farabıdiń 1150 jyldyǵy men Abaıdyń 175 jyldyǵyna oraı 2020 jyly josparlanǵan mereıtoılyq memlekettik is-sharalar týraly habardar etti. Sondaı-aq túrikmen tarapyn ál-Farabı jáne Abaı muralary taqyryby boıynsha ǵylymı-praktıkalyq konferentsııalar men sımpozıýmdarǵa belsendi qatysýǵa shaqyrdy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT