+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Qazaqstan Elshisi Ońtústik Afrıka Prezıdentine senim gramotalaryn tapsyrdy

2019 jylǵy 16 qazan 14:17
Bólisińiz:
Qazaqstan Elshisi Ońtústik Afrıka Prezıdentine senim gramotalaryn tapsyrdy

PRETORIıA. QazAqparat - Afrıka ulttyq kongresiniń ekinshi tóraǵasy Sefako Makgato atyndaǵy prezıdenttik qonaqtardy qabyldaý úıinde Qazaqstannyń Elshisi Qanat Týmyshtyń Ońtústik Afrıka Respýblıkasynyń Prezıdenti Sırıl Ramapozaǵa senim gramotalaryn tapsyrý saltanatty rásimi ótti, dep habarlaıdy QazAqparat QR SІM baspasóz qyzmetine silteme jasap.

Uqsas jańalyqtar
QR Elshisi Mońǵolııa Prezıdentine senim gramotalaryn tabystady Qazaqstan elshisi Pákistan Prezıdentine senim gramotasyn tapsyrdy Qazaqstan Elshisi Túrikmenstan Prezıdentine senim gramotalaryn tabystady

Rásim barysynda elshi Qanat Týmysh OAR basshysyna Qazaqstan Prezıdenti Qasym-Jomart Toqaevtyń sálemi jáne jyly lebizderin jetkizip, ásirese osy eldiń bul aıdaǵy BUU Qaýipsizdik Keńesine sátti tóraǵalyq etýine baılanysty, memleketaralyq yntymaqtastyqty baılanystardyń barlyq spektri boıynsha nyǵaıtýǵa baǵyttalǵan qazaqstan-ońtústik afrıkalyq saıası, ekonomıkalyq, mádenı jáne gýmanıtarlyq qatynastardyń joǵary deńgeıin atap ótti.

«Elshi, ózara tıimdi yntymaqtastyq tetikterin odan ári jetildirý jónindegi kúsh-jigerdi odan ári damytýǵa basshylyǵymyzdyń múddeliligin rastap, Prezıdent Toqaevtyń bıylǵy ınaýgýratsııalyq rásimi jáne Qazaqstan halqyna Joldaýy sııaqty sóılegen eń mańyzdy sózderiniń sheńberindegi negizgi baǵyttaryn mazmundady. Qazaqstannyń óz ekonomıkasyn ártaraptandyrý, tranzıttik-kóliktik áleýetin damytý jáne ınvestıtsııalardy tartý jónindegi sharalaryn atap ótip, suhbattasty saıası jáne áleýmettik-ekonomıkalyq salalardaǵy elimizdiń damý perspektıvalary týraly habardar etti. Aıtalyq, óz laýazymyna 2019 jylǵy mamyr aıynda saılanǵan Prezıdent S. Ramapozanyń jańa bastamalary memleket basshymyzdyń reformalarymen ushtasyp keledi», delingen habarlamada.

Q.Týmysh kópjaqtylyqtyń, sondaı-aq soǵysqa qarsy jáne antııadrolyq saıasattyń berik jaqtaýshy degen abyroı-bedelin jıi dáleldegen eki taraptyń halyqaralyq uıymdar sheńberinde, atap aıtqanda, Qazaqstannyń 2017-2018 jj. jáne OAR-dyń 2019-2020 jyldardaǵy BUU Qaýipsizdik keńesindegi músheligi kezeńinde, yntymaqtastyqty tereńdetý qajettiligine nazar aýdardy. Ol Ońtústik Afrıkany úsh dıalog negizinde jańa geosaıası qubylysty qurý, sondaı-aq ǵalamsharymyzdy terrorızmnen jáne jappaı qyryp-joıý qarýlarynan azat etý boıynsha Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń mańyzdy bastamalaryn qoldaýǵa shaqyrdy.

Sonymen qatar, elimiz nasıhattaıtyn tózimdilik, sondaı-aq ártúrli ulttar jáne dinder arasyndaǵy tatýlyq pen kelisim ıdeıalary týraly málimdep, Elshi eki eldi de baıytatyn Qazaqstan jáne OAR halyqtarynyń polıetnıkalyq jáne polıkonfessııalyq quramy týraly áńgimelep berdi.


Prezıdent S.Ramapozanyń málimdeýinshe: «Sizder sııaqty dostarmen biz jahandyq basqarýdyń erejelerge negizdelgen kópjaqty júıesin qorǵaýǵa jáne nyǵaıtýǵa, sondaı-aq bir-birin baılanystyratyn jáne nyǵaıtatyn kedeılik, teńsizdik, soǵys, terrorızm jáne klımattyń ózgerýi sııaqty ǵalamdyq máselelerdi sheshýge tyrysamyz. Biz halyqaralyq saýda men qaýipsizdik máselelerde birjaqty ustanymdy boldyrmaý úshin birge jumys isteýimiz kerek. Kópjaqty ınstıtýttarymyzdyń tutastyǵyn qorǵap, olardyń tıimdiligin, bárin qamtıtyn sıpatyn jáne shynaıy buqarashyldyǵyn qamtamasyz etý úshin biz birlesip, ózara is-qımyl jasaýymyz qajet».

Eldiń basshysy ekonomıkalyq máselelerge toqtalyp, bir-birine týrıstik saparlardy qoldaýǵa jáne ózara ınvestıtsııalardy ilgeriletýge shaqyrdy.

«Osy oraıda, kelesi aıda, 5-7 qarasha kezeńinde, biz ekinshi Ońtústik Afrıkalyq ınvestıtsııalar konferentsııasyn ótkizemiz. Elińizdiń ınvestorlaryn osy is-sharaǵa qatysýǵa jáne OAR múmkindikteriniń áleýetin óz kózimen kórýge shaqyramyz», - dedi S.Ramapoza.

Prezıdent S.Ramapoza ońtústik afrıkalyq taraptyń eki memleket úshin de basymdyqty baǵyttary boıynsha elimizben ekonomıkalyq seriktestikti, saıası suhbat pen yntymaqtastyqty jan-jaqty damytýǵa nıetin bildirdi jáne dostas Qazaqstannyń basshylyǵyna ystyq sálemin joldap, Elshi Q.Týmyshqa álemniń osy bóligindegi dıplomatııalyq qyzmette tabys tiledi.


Bizdiń kanalymyzǵa jazylyńyz:

Basty sózder: QR SІM, Afrıka,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT