+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qazaqstan elshisi Ho Shı Mın atyndaǵy Ulttyq saıası akademııada dáris oqydy

2020 jylǵy 3 shilde 11:38
Bólisińiz:
Qazaqstan elshisi Ho Shı Mın atyndaǵy Ulttyq saıası akademııada dáris oqydy

HANOI. QazAqparat - 1 shildede Qazaqstannyń Vetnamdaǵy Elshisi Erlan Baıjanov Ho Shı Mın atyndaǵy Ulttyq saıası akademııada dáris oqydy. Dáris Qazaqstannyń Tuńǵysh Prezıdenti Nursultan Nazarbaevtyń aldaǵy mereıtoıyna arnaldy, dep habarlaıdy QazAqparat elimizdiń syrtqy ister mınıstrligine silteme jasap.

Uqsas jańalyqtar

Akademııa basshylyǵy, oqytýshylary jáne tyńdaýshylarynyń aldynda Qazaqstan Elshisi jınalǵandardy Qazaqstan tarıhynyń ejelgi dáýirden bastap búgingi kúnge deıingi negizgi kezeńderimen tanystyrdy. Qazaqstandyq dıplomat Uly dala tarıhyna, Qazaqstannyń keńestik tarıh kezeńine, onyń ishinde «qaıta qurý» jáne KSRO-nyń quldyraý jyldaryna ekskýrs jasady.

Dáristiń negizgi bóligi táýelsiz Qazaqstannyń qalyptasýy men damýyna, Elbasy Nursultan Nazarbaevtyń jetekshiligindegi qoǵamdyq-saıası qurylymnyń reformalary men ekonomıkalyq ózgeristerge arnaldy.


Qazaqstan táýelsizdiginiń alǵashqy jyldaryna toqtala kele, Erlan Baıjanov sol kezde jas memleket aldynda jeke memlekettilikti qurý, naryqtyq ekonomıkaǵa kóshý, demokratııalyq qoǵam qurý jáne ulttyq biregeılikti nyǵaıtý boıynsha úlken mindetter turǵanyn atap ótti.

- Memleketimizdiń basshylyǵy aldynda reformalardyń kezektiligin jáne damýdyń basymdyqtaryn tańdaý týraly kúrdeli másele turdy.

Osy turǵydan qaraǵanda Qazaqstannyń joly boldy, óıtkeni bul tarıhı qıylysta el basshylyǵynyń tizginin Qazaqstannyń kórnekti saıasatkeri ǵana emes, sonymen qatar memlekettik jáne qoǵamdyq protsesterdiń kórnekti uıymdastyrýshysy Nursultan Nazarbaev ustady, dep atap ótti Qazaqstan Elshisi. - Nursultan Ábishuly Nazarbaevtyń jáne onyń seriktesteriniń alyp jumysynyń arqasynda damýdyń negizgi baǵyttaryn anyqtaıtyn irgeli qujattar ázirlendi, áleýmettik-ekonomıkalyq ómirdiń barlyq salasynda reformalar júrgizildi.

Vetnamdyq aýdıtorııanyń aldynda Tuńǵysh Prezıdenttiń tulǵasy jáne onyń táýelsiz respýblıkany qurýdaǵy sińirgen eńbegi týraly oı júgirte otyryp, «Nursultan Nazarbaevtyń Qazaqstan úshin róli Ho Shı Mın qyzmetiniń Vetnam úshin mańyzdylyǵymen salystyrýǵa bolady. Olar ártúrli tarıhı dáýirlerde, ártúrli jaǵdaılarda áreket etse de, biraq olardy biriktiretin bir nárse bar - ekeýi de qazirgi memleketterdiń naqty negizin qalaýshylary. Olardyń ómiri - Otanǵa degen janqııarlyq qyzmet pen týǵan halqyna degen súıispenshiliktiń úlgisi. Ekeýi de ulttyń naǵyz kóshbasshylary bolýǵa laıyq edi», - dep atap ótti qazaqstandyq dıplomat

30 jylǵa jýyq kezeńdi qamtıtyn dáristiń negizgi bóliginde naryqtyq reformalardyń, 90-shy jyldardaǵy jekeshelendirýdiń kúrdeli protsesteri, sheteldik ınvestıtsııalardy tartý, jańa Konstıtýtsııany ázirleý jáne qabyldaý, partııalyq-saıası júıeni damytý, syrtqy saıasatty qalyptastyrý máseleleri, Tuńǵysh Prezıdenttiń kóptegen halyqaralyq bastamalary týraly sóz qozǵaldy.

Tyńdaýshylar Qazaqstannyń memlekettik shekarasyn halyqaralyq-quqyqtyq rásimdeý barysy týraly dáris bólimine erekshe qyzyǵýshylyq tanytty. Sonymen qatar olar prezentatsııada sıpattalǵan jetistikterge tańdandy. Nursultan Nazarbaev basqarǵan jyldar ishinde Qazaqstan álemdegi eń damyǵan 50 eldiń qataryna kirdi, eldiń jalpy ishki ónimi 18 ese ósti, dollarǵa shaqqanda halyqtyń tabysy 9 ese ósti, kedeıliktiń deńgeıi 40 paızdan 4, paıyzǵa deıin tómended, 330 mıllıard dollar tikeleı sheteldik ınvestıtsııa tartyldy. 15 myń shaqyrym zamanaýı avtomobılder men temir joldar salyndy, sonyń arqasynda Qazaqstan Azııa men Eýropany, Soltústik pen Ońtústikti tıimdi baılanystyratyn tranzıttik memleketke aınaldy.


Dáristiń jeke bólimi Prezıdent Qasym-Jomart Toqaevtyń bir prezıdenttik jyl ishinde júzege asyrylǵan jáne aldaǵy kezeńge jaqsy serpin bergen saıası jáne áleýmettik-ekonomıkalyq reformalaryna arnaldy.

Qazaqstan Elshisi óziniń dárisinde qazaqstandyq-vetnadyq qatynastarynyń qazirgi jaǵdaıy men bolashaǵyna da toqtaldy. Dıplomattyń aıtýynsha, «bizdiń yntymaqtastyq barlyq jańa baǵyttardy qamtıdy jáne praktıkalyq mazmunǵa toly. Bizdiń elderimizdiń ekonomıkalary bir-birimizdi tolyqtyrýǵa múmkindik beretin kúshti jaqtary bar. Qazaqstan men Vetnam arasynda barlyq iri úkimetaralyq qujattarǵa qol qoıyldy. Damýdyń strategııalyq baǵdarlamalaryn júzege asyrýdyń tańdalǵan tásilderinde kóptegen baılanystardyń bolýy arqasynda neǵurlym qarqyndy saýda-ekonomıkalyq jáne mádenı-gýmanıtarlyq yntymaqtastyq ornatýdan biz jalpy paıda ala alamyz».

Dáris sońynda Erlan Baıjanov tyńdaýshylardyń suraqtaryna jaýap berdi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT