+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Qazaqstan Elshisi Efıopııa Prezıdentine senim gramotalaryn tapsyrdy

2019 jylǵy 19 qarasha 14:58
Bólisińiz:
Qazaqstan Elshisi Efıopııa Prezıdentine senim gramotalaryn tapsyrdy

ADDIS-ABEBA. QazAqparat - Efıopııadaǵy Qazaqstan Respýblıkasynyń Elshisi Barlybaı Sadyqov el Prezıdenti Sahlevork Zevde hanymǵa senim gramotalaryn tapsyrdy, dep habarlaıdy QazAqparat.

«Kezdesý barysynda, ekijaqty yntymaqtastyqtyń jaǵdaıy men bolashaǵy talqylandy. Taraptar eki el arasynda qalyptasqan qarym-qatynastardyń dostyq jáne syndarly sıpatyn atap ótip, saýda-ekonomıkalyq jáne ınvestıtsııalyq yntymaqtastyqty keńeıtýge ózara múddelilik tanytty», - dedi QR Syrtqy ister mınıstrliginiń baspasóz qyzmetinen.

Elshi B. Sadyqov Memleket basshysy Qasym-Jomart Toqaevtyń Joldaýynyń negizgi mazmunymen, eldiń ishki jáne syrtqy saıasatynyń basym baǵyttarymen, ekijaqty saıası jáne ekonomıkalyq yntymaqtastyqty keńeıtý jónindegi usynystarmen tanystyrdy.

Óz kezeginde, Efıopııa Prezıdenti S. Zevde Qazaqstandy Tuńǵysh Prezıdent – Elbasy Nursultan Nazarbaevtyń basshylyǵymen júzege asyrylǵan tabysty saıası jáne ekonomıkalyq ózgeristermen quttyqtady. Sondaı-aq BUU-daǵy jumysy boıynsha tanys bolǵan Prezıdent Q. Toqaevpen belgilengen maqsattar men mindetterdiń tabysty júzege asyrylýyna senim bildirdi. S. Zevde sondaı-aq ózara is-qımyldyń barlyq salalarynda efıopııalyq taraptyń Qazaqstanmen ekijaqty qarym-qatynastardy damytýǵa degen yqylasyn bildirdi jáne osy qyzmetke turaqty qoldaý kórsetetinine sendirdi.

Qazaqstan Respýblıkasy men Efıopııa Federatıvtik Demokratııalyq Respýblıkasy arasyndaǵy dıplomatııalyq qatynastar 2011 jylǵy 5 qyrkúıekte notalar almasý jolymen belgilengen.

Búgingi tańda, Efıopııamen saıası jáne ekonomıkalyq baılanystar odan ári damyp keledi. Qarym-qatynas baǵyttary pysyqtalýda, yntymaqtastyqtyń túrli salalaryndaǵy ortaq múddelerdi izdeý jumysy óte tabysty jáne qarqyndy júrip jatyr.

2018 jyldyń qorytyndysy boıynsha ózara saýda kólemi 86,4 myń AQSh dollaryn qurady (eksport – 0,4myń AQSh doll), ımport – 86 myń AQSh doll).

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Úmbet Sholpan
Úmbet Sholpan
954-059

MURAǴAT