Qazaqstan Elshisi Domınıkannyń Prezıdentine senim gramotalaryn tapsyrdy

SANTO-DOMINGO. QazAqparat - Qazaqstannyń Elshisi Andrıan Elemesov saltanatty rásim barysynda Domınıkan Respýblıkasynyń Prezıdenti Danılo Medına Sancheske senim gramotalaryn tapsyrdy, dep habarlaıdy QazAqparat QR Syrtqy ister mınıstrliginiń baspasóz qyzmetinen silteme jasap.

Rásimge Domınıkananyń Syrtqy ister mınıstri Mıgel Vargas jáne osy Karıb eliniń basshy toptarynyń ókilderi qatysty.

Jyly dostas qalpynda ótken kezdesý barysynda Elshi Domınıkan basshysyna ekijaqty qarym-qatynastardy sapaly jańa deńgeıge shyǵarý úshin barynsha kúsh-jiger salatynyna sendirdi. Qazaqstandyq dıplomat bar eleýli áleýet bizdiń elderimizge ózara tıimdi baılanystardy tereńdetý jáne keńeıtý múmkindikterin ońtaıly qaraýǵa múmkindik beretinin atap ótti.

D. Medına Sanches QR Prezıdenti Qasym-Jomart Toqaevqa sálemin aıtyp, Elshige dıplomatııalyq mıssııasynda tabys tiledi. Prezıdent Santo-Domıngonyń Qazaqstanmen óńirlik kóshbasshy retinde dostyq qarym-qatynasqa múddeli ekenin, sondaı-aq ekijaqty jáne halyqaralyq kún tártibindegi barlyq máseleler boıynsha ekijaqty dıalogty damytýǵa úmit artatynyn atap ótti.

Eki eldiń týrıstik saladaǵy áleýetin eskere otyryp, eki el azamattarynyń ózara saparlarynyń vızalyq tártipti joıý týraly qol qoıýǵa josparlanǵan kelisimniń mańyzdylyǵy erekshe atap ótildi, bul túrli baǵyttar boıynsha baılanystardy jandandyrý úshin keń múmkindikter ashady.