Qazaqstan Elshisi Armenııanyń Ekonomıka mınıstrimen kezdesti
2022 jylǵy 16 aqpan 20:31

Qazaqstan Elshisi Armenııanyń Ekonomıka mınıstrimen kezdesti

NUR-SULTAN. QazAqparat - - Qazaqstan Elshisi Bolat Imanbaev Armenııanyń Ekonomıka mınıstri, qazaqstandyq-armıan ekonomıkalyq yntymaqtastyq jónindegi úkimetaralyq komıssııasynyń teń tóraǵasy Vagan Kerobıanmen kezdesti, dep habarlaıdy QazAqparat.

Áńgime barysynda Elshi Qazaqstan Úkimetiniń eldegi áleýmettik-ekonomıkalyq jáne saıası jaǵdaıdy odan ári damytý boıynsha qabyldap jatqan sharalary týraly habardar etti. Prezıdent Qasym-Jomart Toqaevtyń ekonomıkalyq jáne demokratııalyq reformalar baǵytyn túsindirýge, sondaı-aq sheteldik ınvestıtsııalardy tartýǵa jáne Qazaqstannyń halyqaralyq mindettemelerdiń myzǵymastyǵyna erekshe nazar aýdaryldy.

Óz kezeginde armıan tarapy Qazaqstan basshylyǵynyń saıasatyna qoldaý kórsetip, elderimiz arasyndaǵy ózara tıimdi qarym-qatynastardy odan ári nyǵaıtýǵa daıyn ekendigin bildirdi. Bul turǵyda taraptar ekijaqty saýda-ekonomıkalyq jáne ınvestıtsııalyq yntymaqtastyqty keńeıtý máselelerin, sondaı-aq 2021 jylǵy 26 mamyrdaǵy Úkimetaralyq komıssııanyń 8-shi otyrysynyń Hattamasyn oryndaý protsesin jáne 2022 jylǵa arnalǵan jumys josparyn talqylady. Mınıstr 2021 jyldyń qorytyndysy boıynsha ekijaqty taýar aınalymy ósýiniń joǵary dınamıkasyn atap ótip, eýrazııalyq ıntegratsııalyq keńistikte úlken áleýet pen ósý perspektıvalaryn paıdalana otyryp, saýda-ekonomıkalyq jáne ınvestıtsııalyq yntymaqtastyqty jandandyrý qajettigi týraly aıtty. Taraptar ekonomıkalyq kún tártibindegi kóptegen máseleler boıynsha eki eldiń múddeleri sáıkes keletinine nazar aýdaryp, tájirıbe almasýdyń, bıznes-baılanystardy odan ári jolǵa qoıýdyń jáne jańa múmkindikter izdeýdiń mańyzdylyǵyn atap ótti.

Qazaqstan-Armenııa ekonomıkalyq yntymaqtastyǵyn damytýǵa qosqan zor úlesi úshin Elshi B.Imanbaev V.Kerobıanǵa Qazaqstan basshylyǵynyń atynan «Qazaqstan Táýelsizdigine 30 jyl» medalin tapsyrdy.


Seriktester jańalyqtary

Jańalyqtar

Úrdis

MURAǴAT