+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

Qazaqstan EAEO sheńberindegi ózara saýdany retke keltirýdiń naqty sharalaryn usyndy

2020 jylǵy 22 aqpan 14:14
Bólisińiz:
Qazaqstan EAEO sheńberindegi ózara saýdany retke keltirýdiń naqty sharalaryn usyndy

MÁSKEÝ. QazAqparat -Búgin Qazaqstan Respýblıkasy Premer-Mınıstriniń birinshi orynbasary - Qarjy mınıstri Álıhan Smaıylov Máskeýde ótken Eýrazııalyq ekonomıkalyq komıssııa keńesiniń kezekti otyrysyna qatysty, dep habarlaıdy QazAqparat primeminister.kz-ke silteme jasap.

EEK keńesiniń músheleri ishki naryqtardyń jumysyna, kedendik jáne tehnıkalyq reglamentterge, halyqaralyq yntymaqtastyq pen ónerkásipke qatysty máselelerdi talqylady.

Eýrazııalyq ekonomıkalyq komıssııa músheleri EAEO ishki naryǵyndaǵy shekteýler men kedergilerdi joıý barysy týraly aqparatty tyńdady. EEK Keńesiniń músheleri taýarlar men qyzmetterdiń biryńǵaı naryǵyn qurýdaǵy barlyq kedergilerdi joıý qajettigin atap ótti.

Kezdesý barysynda qazaq-qyrǵyz shekarasyndaǵy aǵymdaǵy jaǵdaı talqylandy, naqty aıtqanda Qyrǵyzstan tarapynan taýardyń qunyn tómendetý, jalǵan tranzıt, taýardy tasymaldaý qujattarynda jalǵan aqparat kórsetý máseleleri sóz boldy. Qazaqstandyq tarap ózara saýdany ońtaılandyrý jáne joǵaryda atalǵan máselelerdi sheshý úshin naqty sharalardy usyndy.


EEK keńesi barysynda EAEO-ǵa taýarlardyń kedendik tranzıtiniń biryńǵaı júıesin damytýdyń Jol kartasy bekitildi. Osy Jol kartasyn iske asyrý EAEO elderiniń aýmaqtary arqyly taýarlardyń kedergisiz kedendik tranzıtin qalyptastyrýǵa, sonyń ishinde Reseı Federatsııasy arnaıy ekonomıkalyq sharalardy qoldanatyndarǵa negiz bolady.

Quramynda nıkotıni bar ónimderdiń jańa túrlerine (qyzdyrylǵan temeki, veıpter jáne basqalary) biryńǵaı talaptardy belgileý maqsatynda EEK Keńesiniń músheleri EAEO sheńberinde mindetti talaptar belgilengen ónimderdiń Biryńǵaı tizimine ózgerister engizý týraly sheshim qabyldady. Keıinnen «bestik» osy ónimderge arnalǵan biryńǵaı tehnıkalyq reglamentti ázirleıdi.

Jalpy, ótken kezdesý Qazaqstannyń strategııalyq múddelerine sáıkes keledi jáne EAEO-nyń tıimdi jumysyna qajetti serpin beredi, odaqtyń bolashaq jumysynda, onyń ishinde halyqaralyq qatynastardyń damýyn eskere otyryp, birlesken nusqaýlyqtardy ázirleý úshin negiz bolady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT