+7 (701) 759 90 19 Lenta
USD 389.52 EUR 429.21
RUB 6.07 CNY 54.94
Jańalyqtar

Qazaqstan Dúnıejúzilik bank reıtınginde TOP-40-qa enbek - Úkimet otyrysy

2019 jylǵy 17 qyrkúıek 09:25
Bólisińiz:
Qazaqstan Dúnıejúzilik bank reıtınginde TOP-40-qa enbek - Úkimet otyrysy

NUR-SULTAN. QazAqparat - Qazaqstan 2025 jylǵa qaraı Dúnıejúzilik banktiń LPI reıtınginde top-40 eldiń qataryna kirýi qajet. Bul týraly búgin Úkimet otyrysynda «DoingBusiness» reıtınginde jáne basqa da reıtıngterde Qazaqstannyń pozıtsııalaryn jaqsartý jóninde baıandaǵan QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

«Saýda jáne kólik ınfraqurylymynyń damý deńgeıi Dúnıejúzilik banktiń LPI reıtıngimen ólshenedi. Indeks elderdiń saýda logıstıkasyn damytýdaǵy syn-qaterler men múmkindikterin aıqyndaýǵa járdemdesedi. Qazaqstan bul reıtıngte 2018 jyldyń qorytyndysy boıynsha 71-shi oryndy ıelendi. Elimiz 2025 jylǵa qaraı top-40 eldiń qataryna kirýi qajet. Olar – Izraıl, Islandııa, Malaızııa sııaqty elder», - dedi ol.

Mınıstrdiń dereginshe, saýda jáne kólik ınfraqurylymynyń sapasy, halyqaralyq tasymaldaýlardy uıymdastyrýdyń jeńildigi, keden jáne shekara baqylaýynyń tıimdiligi, sondaı-aq júk tasymalyn baqylap otyrý múmkindigi reıtıngtegi tejeýshi faktorlar bolyp otyr.

«Jahandyq básekege qabilettilik ındeksin Dúnıejúzilik ekonomıkalyq forým esepteıdi. Bul reıtıngte Qazaqstan 2018 jyldyń qorytyndysy boıynsha 59-shi orynǵa ıe boldy. 2025 jylǵa qaraı elimiz alǵashqy 40 eldiń qataryna kirýi tıis. Bul Italııa, Estonııa, Chılı sııaqty elderdiń deńgeıi. Bul reıtıngtegi tejeýshi faktorlar: qarjy júıesiniń turaqtylyǵy men damý deńgeıi, densaýlyq saqtaý júıesiniń damý deńgeıi, ınfraqurylymnyń sapasy men damý deńgeıi, ınnovatsııalyq áleýet, AKT-nyń damý deńgeıi, sondaı-aq jeke menshikti qorǵaý», - dedi Rýslan Dálenov.

Osy rette mınıstr Jahandyq básekege qabilettilik ındeksinde kedendik resimdeýdiń tıimdiligin ólsheıtin quramdaýyshty erekshe atap ótti. Bul faktor boıynsha Qazaqstan 64-shi orynda. 2025 jylǵa qaraı alǵashqy 40 eldiń qataryna kirý mindeti tur. Bul Izraıl, Chehııa, Chılı sııaqty elderdiń deńgeıi.

«Bul faktorda elimizge kedendik tekserý pýnkteriniń ótkizý qabilettigin jaqsartý, sondaı-aq kedendik tekserý júıesiniń tıimdiligin arttyrý qajet», - dedi vedomstvo basshysy.


Bizdiń kanalymyzǵa jazylyńyz:

Basty sózder: QR Úkimeti, Ekonomıka,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT