+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Qazaqstan derekterdi tranzıtteýden 300 mln dollar tabys tabýdy josparlap otyr

2019 jylǵy 19 qarasha 20:05
Bólisińiz:
Qazaqstan derekterdi tranzıtteýden 300 mln dollar tabys tabýdy josparlap otyr

AQTAÝ. QazAqparat - Qazaqstan derekterdi tranzıtteýden 300 mln AQSh dollary shamasynda tabys tabýdy josparlap otyr, dep habarlaıdy QazAqparat QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń baspasóz qyzmetine silteme jasap.

«Talshyqty-optıkalyq baılanys jelisiniń qurylysy sheńberinde Qazaqstan-Ázerbaıjan baǵyty boıynsha Kaspıı teńiziniń túbine 400 km kommýnıkatsııalyq jeli tóseledi. Bul joba Qytaıdan osy elder arqyly Eýropaǵa trafık tranzıtin qamtamasyz etýge múmkindik beredi», delingen habarlamada.

QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev telekommýnıkatsııalyq dáliz qurylysyn bastaý rásimine qatysý barysynda biregeı jobany tsıfrlyq keńistikti damytýdyń jańa kezeńi dep atady.

«Bul baılanys jelisi Qazaqstan men Ázerbaıjandy ózara baılanystyryp qana qoımaıdy, Qytaıdan bizdiń elderimiz arqyly - Eýropaǵa trafık tranzıtin qamtamasyz etýge múmkindik beredi. Árıne, bul Qazaqstan úshin tıimdi joba. Óıtkeni, derekter tranzıtinen $300 mln AQSh dollary kóleminde tabys túsedi dep kútilýde. Bul protsesti jol qurylysymen salystyrýǵa bolady. Joldyń sapasy joǵary bolsa, júk tasymaly artyp, bıýdjet túsimderi kóbeıip, jol boıyndaǵy qyzmet kórsetý jáne t.b.servıster damıdy», - dep atap ótti Asqar Jumaǵalıev.

Jobany júzege asyrýmen Qazaqstan-Ázerbaıjan birlesken kásiporny aınalysady. Jobanyń ınvestıtsııalyq quny shamamen 60 mln AQSh dollary. Tranzıtten 10 jyl ishinde 300 mln dollar tabys túsedi dep josparlanǵan. Osymen birge, joba 150 jumys ornyn ashýǵa múmkindik beredi.

Kaspıı teńiziniń túbi arqyly shamamen 400 km jeli tartylady. Derekterdi jetkizý qýaty – keminde sekýndyna 4-6 terabıt. Jelini paıdalanýǵa berý 2021 jyldyń sońyna josparlanǵan.

Talshyqty-optıkalyq baılanys jelisi qurylysynyń bastalýyna arnalǵan saltanatty rásimge Qazaqstan Premer-Mınıstri Asqar Mamın, Ázerbaıjan Premer-Mınıstri Álı Asadov jáne eki eldiń telekommýnıkatsııalyq kompanııalarynyń basshylary qatysty.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT