+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Qazaqstan densaýlyq saqtaý deńgeıi boıynsha álemde 53-orynda tur

2020 jylǵy 14 qazan 09:38
Bólisińiz:
Qazaqstan densaýlyq saqtaý deńgeıi boıynsha álemde 53-orynda tur

NUR-SULTAN. QazAqparat – Qazaqstan densaýlyq saqtaý salasynyń deńgeıi boıynsha álemdegi 93 eldiń ishinde 53-shi orynda tur, dep habarlaıdy QazAqparat tilshisi Ranking.kz aqparat kózine silteme jasap.

Uqsas jańalyqtar

Densaýlyq saqtaý salasynyń deńgeıi boıynsha álemdik reıtıngti iri málimetter bazasy sanalatyn Numbeo jarııalady.

Atalmysh reıtıngte Qazaqstan 93 memlekettiń ishinde 53-shi oryn alǵan. Bizdiń el sonymen qatar TMD elderiniń ishinde densaýlyq saqtaý júıesiniń sapasy boıynsha eń joǵary ındekske ıe.

Bul tizimde Belarýs (59-shy oryn), Reseı (63-shi oryn), Ýkraına (78-shi oryn) jáne Ázerbaıjan (91-shi oryn) Qazaqstannan qalyp keledi.

Reıtıng densaýlyq saqtaý júıesiniń jumys sapasyn, medıtsınalyq jabdyqtarmen, qurylǵylarmen qamtamasyz etý deńgeıin, medıtsınalyq qyzmetkerler men densaýlyq saqtaý salasyyndaǵy mamandardyń kásibıligin, emhanalardaǵy emdelý qunyn jáne taǵy basqa kórsetkishterdi baǵalaıdy.

Bul turǵyda úzdik bes eldiń qatarynan Taıvan, Ońtústik Koreıa, Frantsııa, Japonııa jáne Danııa kórindi.

2020 jyldyń qańtar-shilde aılarynda Qazaqstanda densaýlyq saqtaý salasynda jalpy somasy 749,2 mlrd teńgeniń qyzmeti kórsetilgen. Bul – bir jyl burynǵy kórsetkishke qaraǵanda 19,2% kóp.

Sonymen qatar bul qyzmetterdiń 80,4% - bıýdjet esebinen, 11,8% - halyq esebinen, 7,8% - kásiporyndar esebinen kórsetilgen.

Aımaqtardy bólip qaraǵanda densaýlyq saqtaý salasynda kórsetilgen qyzmetterdiń kóbi Almatyǵy tıesili: 128,5 mlrd teńge – bir jyl burynǵy kórsetkishten 22,6%-ǵa artyq. Ekinshi jáne úshinshi oryn Nur-Sultan (104,2 mlrd tg, +10,1%) jáne Qaraǵandy oblysy (53,1 mlrd teńge, +24%) tur.

Kórsetkishi eń úlken eki qala men bir oblysqa elde kórsetilgen jalpy medıtsınalyq qyzmetterdiń úshten biri tıesili.

Qyzmet sektorynyń jartysynan kóbi aýrýhanada kórsetilgen. Atap aıtqanda aýrýhanalardyń hırýrgııalyq bólimshesinde - 80,1 mlrd teńge, gınekologııalyq bólimshe men perzenthanalarda - 37,3 mlrd teńge, psıhıatrlyq aýrýhanalarda - 16,8 mlrd teńgeniń qyzmeti kórsetilgen.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT