+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Qazaqstan BUU Qaýipsizdik keńesinde Mıanmada jasalǵan qylmysty aıyptady

2018 jylǵy 26 qazan 00:51
Bólisińiz:
 Qazaqstan BUU Qaýipsizdik keńesinde Mıanmada jasalǵan qylmysty aıyptady

NЬıÝ-IORK. QazAqparat - BUU Qaýipsizdik Keńesiniń Mıanmadaǵy ahýaly týraly otyrysynda Qazaqstan Rakhaın shtatynda jasalǵan qylmysty aıyptap, osy eldegi gýmanıtarlyq daǵdarysty búkil halyqaralyq qoǵamdastyqtyń qatysýymen jedel jáne jan-jaqty túrde sheshýge shaqyrdy. Bul týraly QazAqparat SІM baspasóz qyzmetine silteme jasap habarlaıdy.

BUU Qaýipsizdik Keńesiniń otyrysynda Mıanmadaǵy faktilerdi anyqtaý boıynsha táýelsiz halyqaralyq mıssııasynyń basshysy Marzýkı Darýsman sóz sóılep, Mıanmadaǵy jaǵdaı týraly jáne rohındja halqyna qarsy adam quqyqtarynyń buzýlýy jalǵasyp otyrǵanyn aıtyp berdi.

Qazaqstan halyqaralyq mıssııanyń tergeý nátıjeleri boıynsha erekshe alańdaýshylyq bildirip, Rakhaın shtatynda jasalǵan qylmysty aıyptady. «Mıanmadaǵy rohındja-musylmandaryna qatysty etnıkalyq jáne dinı kemsitýshilik, osy kúnge deıin jalǵasyp otyrǵan keń aýqymdy deportatsııalaý jáne qýdalaýdy qosa alǵanda adam quqyqtarynyń aıqyn, jappaı jáne júıeli túrde buzylýy týraly baıandamalar jan túrshiktiredi», - dep Qazaqstannyń BUU janyndaǵy turaqty ókiliniń orynbasary Qanat Tumysh málimdedi.

Qazaqstannyń ókili jasalǵan qylmystardyń tolyq ashylýy jáne kináli adamdardy jaýapkershilikke tartý rohındja-musylmandarynyń óz úılerine qaıtýdyń alǵysharttarynyń biri bolatynyn atap ótti.

Bir mıllıon rohındja adamdary, olardyń kópshiligi áıelder men balalar, áli kúnge Bangladeshtegi bosqyndar lagerinde tym qıyn jaǵdaıǵa túsýge májbúr bolyp otyr.

«Mıanma úkimeti qaýipsizdik kepildigin qamtamasyz etýge, bilim alýǵa, jumysqa ornalasýǵa, densaýlyq saqtaýǵa jáne turaqty uzaq merzimdi ómir súrýge múmkindik bermeı, qajetti jaǵdaılar jasaý protsesin jedeldetpegenshe, rohındja-musylmandarynyń Rakhaın shtatyna qaıtýy múmkin emes», - dep Qazaqstannyń ókili atap ótti.

Qazaqstan Bangladesh úkimetiniń bosqyndarǵa kómek kórsetý jónindegi kúsh-jigerin, onyń ishinde olardy turǵyn úımen, dári-dármektermen, azyq-túlik ónimderimen qamtamasyz etýin joǵary baǵalap, BUU-ǵa múshe memleketterdi, halyqaralyq uıymdardy osy elge jáne rohındja bosqyndaryna qajetti qoldaý kórsetýdi jalǵastyra berýge shaqyrdy.

Ústimizdegi jyldyń sáýir aıynda Qazaqstan Úkimeti Bangladeshtegi Koks-Bazar qalasynyń mańyndaǵy aýmaǵynda ornalasqan rohındja bosqyndaryna 500 myń dollar kóleminde gýmanıtarlyq kómek kórsetip, ony olar turatyn jerlerge jetkizdi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT