+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Qazaqstan BUU-da baıandama jasaýdy josparlaýda

2021 jylǵy 21 shilde 15:16
Bólisińiz:
Qazaqstan BUU-da baıandama jasaýdy josparlaýda

NUR-SULTAN. QazAqparat - Aqparat jáne qoǵamdyq damý mınıstrliginde «Násildik kemsitýshiliktiń barlyq nysandaryn joıý týraly halyqaralyq konventsııany Qazaqstan Respýblıkasynyń oryndaýy týraly segizinshi-onynshy jıyntyq merzimdi baıandamany» qorǵaýǵa daıyndalý jónindegi jumys tobynyń otyrysy ótti, dep habarlaıdy QazAqparat.

Otyrysqa jumys tobynyń músheleri, múddeli memlekettik organdar men uıymdardyń ókilderi jáne BUUDB Qazaqstandaǵy ókili qatysty.

Aıta ketsek, pandemııaǵa baılanysty Qazaqstannyń BUU Násildik kemsitýshilikti joıý jónindegi komıtetinde Baıandama jasaý merzimi ózgertilip, 2022 jyly Jenevada ótkizý josparlanǵan bolatyn.

Іs - shara barysynda jumys tobynyń jetekshisi - Aqparat jáne qoǵamdyq damý vıtse-mınıstri Serik Egizbaev keńeske qatysýshylardy BUU Násildik kemsitýshilikti joıý jónindegi komıtetiniń Baıandama mazmunyna qatysty kommentarıılerin qaıta talqylaýǵa shaqyrdy.

«BUU Komıteti usynymdarynyń basym bóligin Qazaqstan oryndady. Sonymen qatar, muqııat zertteýdi qajet etetin birneshe usynystar bar, mysaly, dıskrımınatsııaǵa qarsy jeke zańnamany ázirleý. Bul másele túrli elderdiń tájirıbesi arqyly odan ári birlesken zertteýdi talap etedi», - dedi S.Egizbaev.

Sonymen qatar BUUDB-nyń Qazaqstandaǵy shaqyrylǵan ulttyq sarapshysy BUU Komıtetiniń qorytyndy eskertýlerin joıý boıynsha múddeli memlekettik organdarmen jáne uıymdarmen júrgizilip jatqan jumystar týraly aıtyp berdi.

Esterińizge sala keteıik, 1998 jyly Qazaqstan Násildik kemsitýshiliktiń barlyq nysandaryn joıý týraly Halyqaralyq konventsııany ratıfıkatsııalaǵan bolatyn. Konventsııa normalaryn oryndaý sheńberinde QR Úkimetiniń qaýlysymen «Násildik kemsitýshiliktiń barlyq nysandaryn joıý týraly halyqaralyq konventsııany Qazaqstan Respýblıkasynyń oryndaýy týraly segizinshi-onynshy jıyntyq merzimdi baıandamasy» bekitilgen.

Baıandama QR Aqparat jáne qoǵamdyq damý mınıstrligi janyndaǵy Vedomstvoaralyq jumys toby barlyq múddeli memlekettik organdardyń qatysýymen ázirlenip, 2014-2017 jyldar aralyǵyndaǵy eseptik kezeńde Qazaqstannyń Konventsııa baptaryn iske asyrýy jóninde aqparat qamtylǵan.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT