Qazaqstan búkil ıslam álemi úshin zor mańyzǵa ıe - Djıbýtı Prezıdenti

ASTANA. QazAqparat - Qazaqstannyń Memleket basshysy Nursultan Nazarbaev Djıbýtı Respýblıkasynyń Prezıdenti Ismaıl Omar Gellemen kezdesti, dep habarlaıdy QazAqparat Aqordaǵa silteme jasap.
Kezdesýde Memleket basshysy Djıbýtı Respýblıkasynyń Prezıdentin Islam qarjysy jónindegi jahandyq syılyqqa ıe bolýymen quttyqtady.
«Sizdiń saparyńyz «EKSPO-2017» halyqaralyq kórmesiniń ótýimen tuspa-tus keldi. Elińiz táýelsizdiktiń 40 jyldyǵyn atap ótti. Siz búgingi syılyqqa laıyqtysyz. Men sizdi quttyqtaımyn», - dedi Qazaqstan Prezıdenti.
Nursultan Nazarbaev Qazaqstannyń Afrıka elderimen yntymaqtasýǵa zor mán beretinine toqtalyp, Djıbýtı Respýblıkasynyń Afrıka qurlyǵynda mańyzdy logıstıkalyq orta sanalatynyn atap ótti.
Ismaıl Omar Gelle kezdesýge rızashylyq bildirip, bul onyń Astanaǵa kelgen ekinshi sapary ekenin aıtty.
«Men munda alǵash ret 2011 jyly boldym. Sol ýaqyttan beri Qazaqstannyń qarqyndy damyp, Astananyń tańǵalarlyqtaı ózgergenin atap ótkim keledi. Búginde Qazaqstan búkil ıslam álemi úshin zor mańyzǵa ıe bolyp otyr», - dedi Djıbýtı Respýblıkasynyń Prezıdenti.
- Roza Rymbaeva men Tursynbek Makıshev «Qazaqstannyń Eńbek Eri» atandy
- Toqaev Sekseýil kentinde mektepke temirjoldan ótip baratyn oqýshylar máselesin sheshýdi tapsyrdy
- Toqaev Prezıdenttik kadr rezervi 4-kezeńiniń qorytyndysymen tanysty
- QR Prezıdenti Ulttyq bank tóraǵasy Erbolat Dosaevty qabyldady
-
Qazaqstan elshisi Latvııa prezıdentine senim gramotalaryn tapsyrdy
-
Qazaqstan Prezıdenti «Aýyl» partııasynyń tóraǵasy Álı Bektaevty qabyldady
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam