Qazaqstan boıynsha búkil respýblıkalyq joldar ashyq
ASTANA. QazAqparat - «QazAvtoJol» ulttyq kompanııasy respýblıkalyq joldar barlyq baǵyttar boıynsha ashyq ekenin málimdedi, dep habarlaıdy QazAqparat.
Vedomstvo málimetinshe, respýblıkalyq mańyzy bar tasjoldardy qardan tazalap, qum-tuz qospasymen óńdeýge 230 arnaıy tehnıka men 300 maman jumyldyrylǵan.
Demalys kúnderi kúre joldarǵa 300 m3-ten astam qum-tuz qospasy sebildi.
26-27 jeltoqsan aralyǵynda elimizdiń 9 óńiriniń respýblıkalyq mańyzy bar avtomobıl joldarynda 40-tan astam ret qozǵalysqa shekteý engizildi.
Jolshylar respýblıkalyq trassalarda qar qursaýynda qalǵan 300-den astam júrgizýshige kómek kórsetti.
Qazirgi ýaqytta respýblıkalyq mańyzy bar tasjoldar ashyq.
QazAvtoJol mamandary joldyń jaı-kúıine táýlik boıy monıtorıng júrgizýdi jalǵastyryp jatyr.
Ótken demalys kúnderi 1403 qysqa nómirindegi call-ortalyqqa respýblıkalyq trassadaǵy jolaýshylardan 2000-nan astam qońyraý túsken.
