+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstan boıynsha 2 mlrd tal egýge 82 mlrd teńge jumsalady

2021 jylǵy 15 maýsym 13:04
Bólisińiz:
Qazaqstan boıynsha 2 mlrd tal egýge 82 mlrd teńge jumsalady

NUR-SULTAN. QazAqparat – 2025 jylǵa deıin el aýmaǵynda 2 mlrd tal egý josparlanǵan. Ekologııa, geologııa jáne tabıǵı resýrstar vıtse-mınıstri Álııa Shalabekovanyń aıtýynsha, bul iske bıýdjetten jalpy jıyny 82 mlrd teńge qarastyrylyp otyr. dep habarlaıdy QazAqparat tilshisi.

Uqsas jańalyqtar
Atyraýda qorshaǵan ortany lastaıtyn kólikpen júrgen 16 júrgizýshi jaýapqa tartyldy Sınoptıkter Qazaqstan qalalaryndaǵy aýa sapasy týraly aıtty Ertis ózeninen 3,4 mln teńgeniń bekire balyǵyn aýlaǵan brakoner ustaldy

Bul týraly ol ortalyq kommýnıkatsııalar qyzmetinde ótken brıfıngide aıtty.

«Keshendi jospar aıasynda oblystyq ákimdikterdiń, erekshe qorǵalatyn tabıǵı aýmaqtardyń, orman resýrsyn paıdalanýshylardyń, halyqaralyq donorlardyń, tabıǵat paıdalanýshylardyń jáne ózge de bastamashy toptardyń kúshimen orman egý josparlanyp otyr. Orman egý sharasy jáne onyń kólemi oblystar boıynsha pysyqtaldy. Ol úshin ǵylymı negizdeme usynymdar men salalyq talaptar bekitildi», - dedi vıtse-mınıstr.

Vedomstvo ókiliniń aıtýynsha, bıyl jyl sońyna deıin jańadan egilgen taldar sany 60 mln bolýy kerek. 2025 jylǵa deıin osy qarqyn údep otyrady.

«Bıyl kóktemde el boıynsha 21 600 gektar alańǵa 81 mln 510 myń túp tal egildi. Kúzde 48 mln 200 myń tal egilmek. Egilgen taldar sany jyl saıyn ósip otyratyn bolady. Kelesi jyly 244 mln, 2023 jyly 411 mln, 2024 jyly 573 mln jáne 2025 jyly 643 mln tal egiledi. Kóbinese sekseýil, qaraǵaı, úıeńki, shegirshin, qaıyń jáne taǵy basqa aǵash túrlerin otyrǵyzý josparlanǵan», - deıdi Álııa Shalabekova.

Mınıstrdiń orynbasary atalmysh maqsatqa bólinetin qarajattyń qaı kózderden alynatynyn da atady.

«2 mlrd aǵashtyń 1,5 mlrd danasy oblystyq ákimdikterdiń úlesine keledi. Orman qoryn paıdalanýshylar men halyqaralyq donorlarǵa shamamen 200 mln dana jáne Orman sharýashylyǵy komıtetine baǵynyshty organdarǵa 300 mln tal egý qajet. Jobany qarjylandyrý respýblıkalyq bıýdjet esebinen de, jergilikti bıýdjet esebinen de iske asady. 5 jyl ishinde respýblıkalyq bıýdjetten 22 mlrd teńge, jergilikti bıýdjetten 60 mlrd teńge jumsalady. Qarajat tıisti tehnıka men qurylǵylar satyp alýǵa kerek. Tapsyrmany oryndaý úshin traktorlar, tal egý mashınalary, topyraq qopsytqysh qurylǵylar alynady. Eldegi tálimbaqtardyń aýdany keńeıtiledi», - dedi vıtse-mınıstr.

Onyń aıtýynsha, 2 mlrd aǵashtyń 300 mln danasyn tuqym sebý arqyly, 1,7 mlrd danasy kóshet túrinde egý josparlanyp otyr. Bıyldyń ózinde jergilikti bıýdjetterden 6 mlrd teńge, respýblıkalyq bıýdjetten 5,5 mlrd teńge bólingen.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT