+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstan bıznes qurýǵa bolatyn eń jaıly sharttardy usynady - Úkimet basshysy

2019 jylǵy 17 mamyr 12:45
Bólisińiz:
Qazaqstan bıznes qurýǵa bolatyn eń jaıly sharttardy usynady - Úkimet basshysy

NUR-SULTAN. QazAqparat - QR Premer-Mınıstri Asqar Mamın sheteldik ınvestorlardy Qazaqstan naryǵynda jumys isteýge shaqyrdy, dep habarlaıdy QazAqparat tilshisi.

«Qazaqstan ınvestıtsııalyq saıasattyń mańyzyn eskere otyryp, Premer-Mınıstrdiń jumysyna ınvestıtsııalyq ombýdsmen mindetin júktedi. Sheteldik bızneske tájirıbe úıretý maqsatynda sheteldik tikeleı ınvestıtsııalar boıynsha Úılestirý keńesi quryldy. Keńes ınvestıtsııalyq jobalardy iske asyrý protsesi kezinde másele týyndasa, sheshim izdeıtin bolady. Aqyrynda, jeke sektorǵa negizdelgen ekonomıkalyq ósimniń berik modelin qurǵymyz keledi», - dedi Asqar Mamın AEF aıasynda ótken Jahandyq ınvestıtsııa boıynsha dóńgelek ústelde.

Úkimet basshysy óz sózinde memlekettik aktıvterdi keń aýqymda jekeshelendirý jumystary ekonomıkadaǵy óndiris deńgeıin arttyryp, áleýetti ınvestorlar men kásipkerler úshin qosymsha múmkindik ashatynyn tilge tıek etti.

«Osynyń nátıjesinde ekonomıkadaǵy memlekettiń úlesin 2020 jylǵa deıin 17 paıyzdan 15 paıyzǵa azaıtsaq deımiz. Instýtsıonaldyq orta qurý baǵytyndaǵy jumsaǵan jigerimiz Qazaqstandy aımaqtaǵy bıznes úshin jaıly memleketterdiń biri retinde tanytty. 2018 jyly Doing Business esebi boıynsha biz 190 eldiń ishinde 28-shi orynǵa turaqtadyq. Infraqurylym men kóliktik shyǵyndardyń mańyzyn túısine kele avtokólik jáne temir joldardyń sapasyn arttyryp kelemiz. «Nurly jol» ınfraqurylymdyq baǵdarlamasynyń bul protseste mańyzy óte zor», - deıdi ol.

Sóz sońynda Asqar Mamın Qazaqstannyń ınvestıtsııa salýdaǵy áleýeti jaıly sóz qozǵady.

«Biz aımaq jáne álem boıynsha bıznes qurýǵa bolatyn eń jaıly sharttardy usynamyz. Tutynýshylary jetkilikti EAEO-nyń dınamıkalyq áleýeti zor. Osy sátti paıdalana otyryp, áriptesterimizdi jáne dostarymyzdy Qazaqstanǵa ınvestıtsııa salý múmkindikterin zertteýge shaqyramyz», - dep túıdi Úkimet basshysy.

Eske sala ketsek, keshe elordada QR Tuńǵysh Prezıdenti - Elbasy Nursultan Nazarbaev pen QR Prezıdenti Qasym-Jomart Toqaevtyń qatysýymen XII Astana ekonomıkalyq forýmy bastalǵan bolatyn.

AEF-tyń basty maqsaty - jahandyq úrdisterdi zertteý jáne Qazaqstan damýynyń praktıkalyq saıasatyn jasaý úshin ekonomıkalyq saıasat pen ǵylym salasynda tájirıbe almasý alańyn qurý. 11 jyl ishinde Astana ekonomıkalyq forýmy (AEF) álemdik ekonomıka men qarjy júıesin jetildirý jáne damytý máselelerin talqylaýǵa arnalǵan eń bedeldi halyqaralyq platformalardyń biri retinde mártebege ıe boldy.

Forýmǵa álemniń 150 elinen 50 000-ǵa jýyq delegat, onyń ishinde 20-dan asa Nobel syılyǵynyń laýreaty jáne 30 joǵary dárejeli sheteldik saıası qaıratkerler qatysty. Kongress aıasynda 20 mıllıard AQSh dollarynan astam somaǵa 300-den astam memorandým men kelisim jasaldy.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT