Qazaqstan bıyl 67,6 mln tonna munaı eksporttaǵan
2021 jylǵy 28 jeltoqsan 12:52

Qazaqstan bıyl 67,6 mln tonna munaı eksporttaǵan

NUR-SULTAN. QazAqparat – Qazaqstan bıyl 67,6 mln tonna munaı eksporttaǵan. Bul týraly QR Energetıka mınıstri Maǵzum Myrzaǵalıev ortalyq kommýnıkatsııalar qyzmetinde ótken brıfıngide aıtty, dep habarlaıdy QazAqparat tilshisi.

«2021 jyldyń qorytyndysy boıynsha munaı óndirý kólemi 85,7 mln tonna boldy. Eksport 67,6 mln tonnaǵa jetti. Munaıdy qaıta óńdeý kólemi 17,1 mln tonna jáne munaı ónimderin óndirý kólemi 13,1 mln tonna boldy», - dedi mınıstr.

Onyń málimeti boıynsha, táýelsizdik jyldary Qazaqstanda munaı óndirý qarqyny ósken.

«Keleshekte munaı óndirý budan ári ulǵaıady. Elimizdiń munaı óndirýdegi draıverleri – 3 munaı-gaz jobasy: Teńiz, Qarashyǵanaq jáne Qashaǵan», - dedi Maǵzum Myrzaǵalıev.

Sondaı-aq, ol «Teńiz» jobasynyń keleshegine toqtaldy.

«2021 jyldyń qorytyndysy boıynsha «Teńiz» jobalarynda munaı óndirý kólemi 26,5 mln tonna, gaz óndirý kólemi 14,5 mln tonnaǵa teń boldy. Teńiz ken ornynda quny 45,2 mlrd dollar bolatyn «Keleshek» keńeıtý jobasy iske asyrylyp jatyr. Bul munaı óndirisin jylyna 12 mln tonnaǵa arttyrýǵa múmkindik beredi. Búgingi tańda joba boıynsha jumystardyń jalpy ilgerileýi 87 paıyz boldy. Jobany 2023 jyly aıaqtaý josparlanyp otyr», -dedi vedomstvo basshysy.


Jańalyqtar

MURAǴAT