+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Qazaqstan bıyl 40 memleketke bıdaı eksporttaıdy

2020 jylǵy 8 qyrkúıek 17:04
Bólisińiz:
Qazaqstan bıyl 40 memleketke bıdaı eksporttaıdy

NUR-SULTAN. QazAqparat – Aýyl sharýashylyǵy birinshi vıtse-mınıstri Aıdarbek Saparov Qazaqstan bıdaı boıynsha eksporttyq áleýetin saqtap qalatynyn málim etti, dep habarlaıdy QazAqparat tilshisi.

Búgin Ortalyq kommýnıkatsııalar qyzmetinde ótken baspasóz máslıhatynda vıtse-mınıstrge: «Bıyl bıdaı treıderleriniń belsendiligi tómendep ketkeni belgili. Naryqqa qatysýshylar muny keıbir memlekette koronavırýstyń jańa tolqynyna baılanysty yqtımal shekteýlermen baılanystyryp otyr. QR AShM osyǵan baılanysty osy kúzde bıdaı eksportyn keıbir elge shekteýdi kózdep otyr ma?», - degen suraq qoıdy.

«Egin jınaý jumystary bastalǵan kezde jyldaǵydaı treıderler de baǵanyń qandaı bolatynyn kútedi. Buǵan deıin olardyń belsendilikteri tómendeý edi. Búgingi kúni dándi-daqyldardy jınaý jumystarynyń 66% aıaqtalǵandyqtan, olar belsendi túrde bıdaıdy satyp ala bastady. Sol sebepti Aýyl sharýashylyǵy mınıstrligi bıdaı eksportyn shekteýdi josparlap otyrǵan joq. Sebebi bizde ónim byltyrǵydan kem emes. Sondyqtan eksporttyq áleýetti saqtap qalamyz», - dedi Aıdarbek Saparov.

Sonymen qatar vıtse-mınıstr bıyl dástúrli eksporttyq naryqtar saqtalatynyn jetkizdi.

«Naryqtardy atar bolsaq, olar: Ortalyq Azııa – Ózbekstan, Tájikstan, Qyrǵyzstan, Túrikmenstan, odan bólek Aýǵanstan, Iran. Jalpy 40 memleketke bıyl bıdaı eksporttalady. Naqtyraq aıtqanda, marketıngilik aılar ishinde (2020 jyldyń shildesi men 2021 jyldyń shildesi aralyǵy) osy jyly 8 mln tonnaǵa jýyq bıdaı satylady», - dedi Aıdarbek Saparov

Eske salaıyq, vıtse-mınıstr buǵan deıin Qazaqstanda dándi-daqyldardy jınaý jumystary 66% aıaqtalǵanyn málim etken edi.

Al keshe, Úkimet úıindegi baspasóz máslıhatynda Aýyl sharýashylyǵy mınıstri Saparhan Omarov bıyl Qazaqstan astyqty qaı elderge eksporttaıtynyn aıtqan bolatyn.





Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT