+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstan «Bir beldeý, bir jol» jobasyn ekologııalandyrýdyń katalızatoryna aınalady - Aıgúl Soloveva

2019 jylǵy 17 mamyr 13:30
Bólisińiz:
Qazaqstan «Bir beldeý, bir jol» jobasyn ekologııalandyrýdyń katalızatoryna aınalady - Aıgúl Soloveva

NUR-SULTAN. QazAqparat - Qazaqstan «Bir beldeý, bir jol» jobasyn ekologııalandyrýdyń katalızatoryna aınalady. Bul týraly búgin XII Astana ekonomıkalyq forýmy barysynda «Qazaqstannyń ekologııalyq uıymdary qaýymdastyǵy» zańdy tulǵalar birlestiginiń basqarma tóraıymy Aıgúl Soloveva aıtty, dep habarlaıdy QazAqparat tilshisi.

«Búginde Ortalyq Azııa elderi úshin aýyl sharýashylyǵyn klımattyq ózgeristerge beıimdeý máselesi barynsha ózekti bolyp otyr. Jasyl tehnologııalar, ekologııalyq sertıfıkattaý men tańbalaý úshin halyqaralyq standarttardy damytý qajet. Mańyzdy trend - «Jibek jolyn» jasyl damytý. Ortalyq Azııa elderi Qytaıdan Eýropaǵa Jibek jolynyń mańyzdy býyny sanalady, zor tabıǵı-resýrstyq, energetıkalyq, tranzıttik, týrıstik áleýetke ıe. Qytaı «Jibek jolynyń jasyl damý koalıtsııasy» tuǵyrnamasyn qurýdy usyndy. Oǵan elderdiń úkimettik emes uıymdaryn da shaqyryp otyr. Keleshekte Qazaqstan men Ortalyq Azııa «Bir beldeý, bir jol» megajobasyn ekologııalandyrýdyń katalızatoryna aınala alady jáne Qytaıdyń «Jasyl kópir» seriktestik baǵdarlamasyna qatysýyn uıymdastyrý kerek», - dedi ol «Ortalyq Azııa men Qazaqstandaǵy turaqty «jasyl» ósimdi qamtamasyz etýdegi halyqaralyq yntymaqtastyqty damytý» taqyrybyndaǵy sessııa barysynda.

Osy rette qaýymdastyq tóraıymy «Bir beldeýdiń» jasyl elementterine energııa únemdeıtin jáne tómen kómirsýtektik kóliktiń jańa túrleri, júkterdiń jalpy ekologııalyq tańbalanýy, uzaqqa tózimdi jańa jol jabyndylary kiretindigin aıtty. Sonymen qatar ol jańaratyn energııa kózderinen alynǵan elektr energııasyn almasý jáne eksporttaý úshin Jibek joly elderiniń energııa júıelerin biriktirý mańyzdylyǵyn atap ótti.

«Ortalyq Azııanyń barlyq elderi, ásirese Qazaqstan men Tájikstannyń jańaratyn energııa kózderin óndirýge áleýeti joǵary. Sondyqtan Jibek joly elderiniń energııa júıesin biriktirýdiń keleshegi zor. Ol jańaratyn energııa kózderin damytýǵa tyń serpin berip, tutynýshylary úshin elektr energııasynyń ózindik quny men tarıhyn tómendetýge, ózge elderge eksporttaýǵa múmkindik jasaıdy», - dedi Aıgúl Soloveva.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT